Amal 100% pakupnikoŭ u 2022-m vybirali jajki, miasa, cukar i masła biełaruskaj vytvorčaści.
U pieršym paŭhodździ 2023-ha biełarusy kožny dzień tracili ŭ siarednim 20 rubloŭ na pakupki. Takuju statystyku padrychtavaŭ Biełstat da Dnia handlu, jaki sioleta vypaŭ na 30 lipienia, źviarnuła ŭvahu Tochka.by.
U 2022 hodzie ahulnaja dola prodažu ajčynnych tavaraŭ skłała bolš za pałovu — 60,9%.
Kali brać asobnyja pradukty, to ŭ košykach pakupnikoŭ byli jajki tolki biełaruskaj vytvorčaści, masła biełaruskaj vytvorčaści — u 99,9% vypadkaŭ, a miasa i miasnyja pradukty — u 99,4%.
Ź niecharčovych tavaraŭ biełaruskaj vytvorčaści samaja vysokaja dola ŭ mebli (73,1%).
Taksama pakupniki časta vybirali biełaruskija pančošna-škarpetkavyja vyraby (71,9%) i nacielnuju bializnu (61%).
Što biełarusy kuplajuć u internecie
Biełstat nazvaŭ top-5 tavaraŭ, jakija ŭ 2022 hodzie biełarusy kuplali ŭ internet-kramach čaściej, čym niešta inšaje.
Na pieršym miescy akazalisia elektrabytavyja prybory i instrumienty. Ich dola ŭ ahulnym tavaraabarocie internet-kram u 2022-m dajšła da 12,2%. Druhoje miesca zaniali pakupki aŭtaamataraŭ — «detali i pryłady dla aŭtatranspartnych srodkaŭ» (11,9%). Treciaja katehoryja tavaraŭ pa papularnaści —adzieńnie (9,4%).
Praktyčna na adnym uzroŭni znachodzilisia parfumierna-kaśmietyčnaja pradukcyja i tualetnyja rečy (7,7%) i budaŭničyja materyjały (7,6%).
-
Koŭł uźniaŭ pytańnie pra novyja aryšty. «To-bok my vyzvalajem 10 čałaviek, a jany aryštoŭvajuć jašče 10»
-
«Pałkoŭnik prynios mnie novyja krasoŭki». Valancin Stefanovič z «Viasny» raskazaŭ, jak ich rychtavali da vyzvaleńnia
-
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja45
Kamientary