Abituryjentaŭ u Vajskovaj akademii i škołach milicyi dastatkova, a ŭ rehijanalnych VNU šakujuć niedabory
Adbyvajucca zaličeńni studentaŭ u biełaruskija VNU. Pavodle adkrytaj statystyki, va ŭniviersitetach, što rychtujuć vajskoŭcaŭ i milicyjanieraŭ, usio dobra. U cyvilnych VNU jość prablemy, ale nie va ŭsich.
U Vajskovaj akademii sioleta jość konkurs amal na ŭsie śpiecyjalnaści, zaličana budzie 649 čałaviek z 814-ci achvotnych.
Samyja niazdolnyja kadry, jakija nabrali mienš za 120 bałaŭ z ulikam CT i atestata, sioleta ŭ Vajskovuju akademiju nie pastupiać.
Bolš za 300 bałaŭ (z maksimalnych 400) nabrali 68 čałaviek, a bały asnoŭnaj masy abituryjentaŭ vahajucca pamiž 275 i 180.
Siaredni konkurs pa VNU — 1,25 čałavieka na miesca.
Prablemy źjavilisia tolki z naboram biełarusaŭ u vajskovyja VNU Rasijskaj Fiederacyi, u suviazi z čym Minabarony abviaściła dadatkovy nabor.
U minskaj Akademii milicyi tradycyjnyja prablemy tolki na fakultecie milicyi hramadskaj biaśpieki: tudy ŭdałosia nabrać tolki 80 čałaviek sa 145 patrebnych.
Ale voś na bolšaści astatnich fakultetaŭ poŭny paradak. Na fakultet kryminalnaj milicyi (śpiecyjalnaść «pravaznaŭstva») achvotnych było bolš čym utraja za kolkaść miescaŭ.
Pry hetym šmat rehijanalnych VNU na hramadzianskija śpiecyjalnaści abviaščaje dadatkovyja nabory.
Niekatoryja ich sproby dahrukacca da metavaj aŭdytoryi možna adsačyć u paviedamleńniach BiełTA, a taksama na sajtach rehijanalnych VNU.
Siarod inšych dadatkovyja nabory pravodziać sielskahaspadarčyja VNU, Biełaruski dziaržaŭny piedahahičny ŭniviersitet, Biełaruski dziaržaŭny technałahičny ŭniviersitet, Mazyrski dziaržaŭny piedahahičny ŭniviersitet.
Zakony nie pracujuć, ale «Pravaznaŭstva» cenicca. Jakija śpiecyjalnaści va ŭniviersitetach samyja darahija
Vyraśli ceny na navučańnie va ŭniviersitetach. Kolki daviadziecca płacić?
«Dačka maryła stać nastaŭnikam historyi, a siońnia maryć źjechać z krainy». Baćki biełaruskich školnikaŭ raskazali, jakija płany ciapier u ichnich dziaciej
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan8
Kamientary