U Minsku prajšoŭ ustanoŭčy źjezd Sajuza piśmieńnikaŭ sajuznaj dziaržavy. Sustaršyniami novastvoranaj arhanizacyi stali Mikałaj Čarhiniec i Valeryj Haničaŭ.
U Minsku prajšoŭ ustanoŭčy źjezd Sajuza piśmieńnikaŭ sajuznaj dziaržavy. Sustaršyniami novastvoranaj arhanizacyi stali Mikałaj Čarhiniec i Valeryj Haničaŭ.
Na źjeździe była pryniata rezalucyja, u jakoj delehaty źviartajucca da piśmieńnikaŭ Biełarusi i Rasii, kab złučyć ahulnyja intaresy na karyść narodaŭ abiedźviuch krain.
Staršynia Sajuza piśmieńnikaŭ Biełarusi Mikałaj Čarhiniec zasiarodziŭ uvahu na tym, što addrukavana rezalucyja budzie ŭ Maskvie na mašyncy, na jakoj drukavali dakumienty ab razvale Savieckaha Sajuza.Tym samym budzie zrobleny simvaličny krok. Bo źjezd prachodziŭ napiaredadni 10-hodździa padpisańnia damovy ab stvareńni sajuznaj dziaržavy Biełarusi i Rasii. I piśmieńniki chočuć padkreślić, što jany nadajuć novaje dachańnie intehracyjnym pracesam pamiž krainami.
«My saśpieli ŭ patrebny momant. My patrebny zaraz sajuznaj dziaržavie!»,
— skazaŭ Čarhiniec.
Staršynia Sajuza piśmieńnikaŭ Rasii Valeryj Haničaŭ adznačyŭ, što praca sajuza budzie iści na padtrymku rasiejskaj i biełaruskaj moŭ. «My vykazvajemsia za ŭsio, što źviazana ź biełaruskaj movaj», — padsumavaŭ rasijski piśmieńnik.
Na heta hałoŭny redaktar litaraturnaha časopisa «Naš sovriemieńnik» Stanisłaŭ Kuniajeŭ paviedamiŭ, što kožny hod jaho kalektyŭ rychtuje «biełaruski numar». I za apošnija šeść hadoŭ na staronkach «Našieho sovriemieńnika» nadrukavalisia bolš za 150 biełaruskich aŭtaraŭ.
«Ja žorstka staju na pazicyjach umacavańnia biełaruskaj movy», — vykazaŭsia pa moŭnym pytańni i Mikałaj Čarhiniec. Jon adznačyŭ, što ŭ Sajuza piśmieńnikaŭ Biełarusi jość mahčymaści, kab spakojna, biez hvałtu znajomić nasielnictva ź biełaruskaj movaj, što piśmieńniki, maŭlaŭ, i robiać.
«Našy rasijskija kalehi stajać na takich samych pazicyjach. Jany chočuć, kab biełaruskaja mova raspaŭsiudžvałasia i ŭ Rasii. Bo tam šmat biełarusaŭ».
U pracy źjezda Sajuza piśmieńnikaŭ sajuznaj dziaržavy ŭziali ŭdzieł bolš za 400 čałaviek. Inicyjatarami jaho praviadzieńnia vystupili Valeryj Haničaŭ, Uładzimir Hniłamiodaŭ, Jahor Isajeŭ, Uładzimir Karpaŭ, Siarhiej Michałkoŭ, Valancin Raspucin, Aleś Savicki i Mikałaj Čarhiniec.
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali18
Kamientary