Havorka idzie pra artykuły 190 i 209 Kryminalnaha kodeksa: machlarstva i lehalizacyja (admyvańnie) majomaści, atrymanaj złačynnym šlacham.
Słužba biaśpieki Ukrainy, Biuro ekanamičnaj biaśpieki i Ofis hienprakurora ŭručyli aliharchu Iharu Kałamojskamu padazreńnie pa niekalkich artykułach Kryminalnaha kodeksa. Pavodle danych krynic UP, havorka idzie pra artykuły 190 i 209 Kryminalnaha kodeksa: machlarstva i lehalizacyja (admyvańnie) majomaści, atrymanaj złačynnym šlacham, piša «Ukrainskaja praŭda».
«Padazreńnie» było ŭručanaje pry pieratrusie. Prakurory buduć chadajničać ab utrymańni pad vartaj z alternatyvaj zakładu, aryjencirovačnym da sumy strat.
Śpiecsłužba adznačaje: ustanoŭlena, što na praciahu 2013-2020 hadoŭ Ihar Kałamojski lehalizavaŭ bolš za paŭmiljarda hryŭniaŭ šlacham ich vyvadu za miažu, vykarystoŭvajučy pry hetym infrastrukturu padkantrolnych bankaŭskich ustanoŭ.
Dasudovaje rasśledavańnie pry pracesualnym kiraŭnictvie ofisa hienieralnaha prakurora praciahvajecca.
U lutym 2023 hoda Słužba biaśpieki Ukrainy i Biuro ekanamičnaj biaśpieki pravodzili pieratrus doma ŭ aliharcha Ihara Kałamojskaha ŭ Dniapry.
Tady było viadoma, što rasśledavańnie tyčycca machinacyj vakoł «Ukrtatnafty» i «Ukrnafty».
Kamientary
U rB padobnaje paśla 94 praktykavali ..ale praz 30 hod nichto bolej na padobnaje ni viadiecca