Pamiatajecie rezanansny źliŭ hutarki rasijskaha miljardera i Iosifa Pryhožyna? Spracavała — ES źniaŭ ź miljardera sankcyi
ES źniaŭ sankcyi z rasijskaha miljardera, čyja vostraja antypucinskaja razmova ź Iosifam Pryhožynym uzarvała sieciva ŭ sakaviku. Jeŭrasajuz paćvierdziŭ, što źniaŭ sankcyi z Farchada Achmiedava.
Farchad Achmiedaŭ — były sienatar Savieta Fiederacyi RF, inviestar i miljarder. Taksama jon — mierkavany surazmoŭca muzyčnaha pradziusara Iosifa Pryhožyna, hutarka ź jakim była źlita ŭ sieciva ŭ sakaviku.
«Situacyju jany prasrali, krainu jany prasrali, usio jany prasrali. <…> Što budzie paśla ich? I jak budzie? Pojdzie, b*, z adnaho boku, «kadyraŭcy», «pryhožyncy», buduć apryčniki. Budzie, b*, tam «machnoŭščyna». Buduć machać kinžałami, kuvałdami. Kali ciažkaja situacyja, jany ŭsie prajavili, što jany nikčemnyja, niedziejazdolnyja, nierazumnyja. U nas prezidenckaja kraina. Prezident za ŭsio heta adkaža. Za ŭsio. Ź jaho spytajuć. <…>
Jany nas praja*ali, našych dziaciej, ich budučyniu, ich los, b*, razumieješ?» — havaryŭ na aŭdyja Achmiedaŭ.
Iosif Pryhožyn tady zajaviŭ, što zapis falšyvy. «Siońniašnija technałohii, niejrasietki dazvalajuć padrabić nie tolki hołas, ale i hutarku», — napisaŭ jon u Instagram.
Ciapier ža jon vykazaŭ zdahadku, što sankcyi z Farchada Achmiedava źniali dziakujučy mienavita hetamu zapisu.
U kamientary vydańniu «Podjom» Pryhožyn skazaŭ, što aŭdyjazapis musiŭ dakazać Zachadu, što Achmiedaŭ nie łajalny rasijskaj uładzie. Samoha Pryhožyna, na jaho dumku, «čysta vykarystoŭvali».
Pradziusar dadaŭ, što ciapier nie kantaktuje z Achmiedavym: «Ja nie maju znosinaŭ. Ja naohuł mała z kim staŭ mieć znosiny i minimizavaŭ kolkaść ludziej u svajoj zapisnoj knižcy. Ja navat bajusia z drevami razmaŭlać».
Ciapier čytajuć
70-hadovuju žančynu z Homiela pasadzili za kamientary. Heta samaja pažyłaja palitźniavolenaja15
Kamientary