Sprabujuć zrabić dziaržaŭny pieravarot u jašče adnoj afrykanskaj krainie — miedyja
Sprobu dziaržaŭnaha pieravarotu sprabujuć ździejśnić vajskoŭcy ŭ jašče adnoj afrykanskaj dziaržavie — Respublicy Konha. Pra heta paviedamlajuć miascovyja ŚMI.
79-hadovy prezident krainy Deni Sasu-Nhieso ciapier znachodzicca ŭ Ńju-Jorku, a miascovyja vajskoŭcy, skarystaŭšysia jahonaj adsutnaściu, stali brać pad kantrol klučavyja abjekty ŭ stalicy.
U miascovych sacsietkach źjaviłasia infarmacyja, što za pieravarotam moža stajać kiraŭnik prezidenckaj hvardyi hienierał Sierž Aba.
Deni Sasu-Nhieso — adzin z afrykanskich prezidentaŭ-doŭhažycharoŭ. Jon upieršyniu staŭ kiraŭnikom krainy 8 lutaha 1979 hoda, pryčym heta taksama stała vynikam dziaržaŭnaha pieravarotu. Kali b ličyć jahonaje kiravańnie ad hetaj daty, to Sasu-Nhieso siońnia ŭznačalvaŭ by śpisak lidaraŭ krain va ŭsim śviecie pavodle ahulnaha prezidenckaha stažu, bo lidar Ekvataryjalnaj Hviniei Teadora Abijanh Nhiema Mbasoha, jaki niadaŭna prylataŭ u hości da Łukašenki, pryjšoŭ da ŭłady ŭ tym ža 1979-m, ale tolki praz paŭhoda — 3 žniŭnia.
Adnak, u adroźnieńnie ad Nhiema Mbasoha, prezidencki staž Deni Sasu-Nhieso pieraryvaŭsia. Hety lidar u svajoj palitycy ŭ 1980-ja hady aryjentavaŭsia na SSSR, i kali toj, zaniapaŭšy, nie zmoh bolej padtrymlivać svaich aŭtarytarnych satelitaŭ u Afrycy, tyja, apynuŭšysia ŭ składanaj situacyi, musili ź jaje vybłytvacca jak chto ŭmieŭ. Sasu-Nhieso byŭ siarod tych, chto nie staŭ u pačatku 1990-ch trymacca za ŭładu siłaj, a pravioŭ u žniŭni 1992 hoda kankurentnyja vybary, jakija prajhraŭ, nabraŭšy ŭsiaho 17%.
Ale ŭ 1997 hodzie jon va ŭmovach hramadzianskaj vajny, jakaja razharnułasia pry kiravańni libieralnaha prezidenta Paskala Lisuba, pry dapamozie vojskaŭ susiedniaj Anhoły zdoleŭ znoŭ zachapić viarchoŭnuju ŭładu i z toj pary jaje nie addaje. Naturalna, što nijakich elemientaŭ demakratyi ŭ takich umovach u krainie nie nazirajecca.
Ciapier čytajuć
U Minsku kolkaść niemaŭlataŭ skaraciłasia na tracinu proci 2020 hoda9
U Minsku kolkaść niemaŭlataŭ skaraciłasia na tracinu proci 2020 hoda
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary
ciennosti Zapadnoho Mira i pomoŝ Ukrainie, čto i nado putinu. Vied́ diktatorov nie iźbirajut na vyborach, oni sami siebia naznačajut i imiejut vozmožnosť pieriesidieť luboho, diemokratičieskij izbrannoho, zapadnoho lidiera i politika. Na Zapadie nie mohut sžihať 1000 čiełoviek v dień, v vojennom konfliktie, a dla putina eto nie problema.