Śviet33

Ataka CHAMASa na Izrail: što viadoma na hety čas

Ranicaj 7 kastryčnika Izrail trapiŭ pad rakietny ŭdar ź siektara Haza. Paśla avijanalotu bajeviki hrupoŭki CHAMAS pranikli z Hazy na terytoryju Izraila adrazu ŭ niekalkich nasielenych punktach. Jany stralali pa mirnych žycharach, brali zakładnikaŭ i zachoplivali vajskovuju techniku. Izrail abviaściŭ ekstrannuju mabilizacyju ŭ suviazi z napadam bajevikoŭ i pačaŭ nanosić udary pa Hazie.

Haza paśla ŭdaru izrailskaj avijacyi. Fota: Abed Rahim Khatib / Anadolu Agency via Getty Images

Armija abarony Izraila paviedamiła, što jaje vajskoŭcy viaduć bai ŭ 22 punktach uzdoŭž miažy ź siektaram Haza. «Niama takich pasieliščaŭ na poŭdni Izraila, dzie nie było b našych sił», — zajavili vajskovyja pradstaŭniki. Viadoma, što siarod izrailskich vajskoŭcaŭ jość straty, ale pra dakładnuju kolkaść zahinułych nie paviedamlajecca.

Uvohule ž kolkaść zahinułych izrailcian, pavodle aficyjnych źviestak uładaŭ Izraila, dasiahnuła 250-ci, paranienyja nie mienš za 1450 čałaviek. 

Fota: Amir Levy / Getty Images

Ministerstva abarony Izraila zajaviła, što budzie vykarystoŭvać suprać hrupoŭki CHAMAS ciažkuju braniatechniku.

«Naša meta ŭ tym, kab usie terarysty byli źniščanyja, kab usie supolnaści byli vyzvalenyja ad terarystaŭ», — havaryłasia ŭ zajavie.

Izrailskaja avijacyja nanosić pavietranyja ŭdary pa siektary Haza. Pad ich patrapili dva vysokija budynki u Hazie. Sa słoŭ pradstaŭnikoŭ sił abarony Izraila, u budynkach raźmiaščałasia «vajskovaja infrastruktura» CHAMAS. 

Paviedamlajecca, što ŭ siektary Haza ŭ vyniku ŭdaraŭ izrailskaj armii zahinuli nie mienš za 198 čałaviek, bolš za 1600 čałaviek atrymali ranieńni.

Fota: Ahmad Hasaballah / Getty Images

Premjer-ministr Izraila Bińjamin Nietańjachu ŭ viačernim zvarocie da nacyi zajaviŭ:

«My pieratvorym ŭsie miescy ŭ hetym horadzie zła, dzie chavajecca CHAMAS, u ruiny. Izrailskaja armija zadziejničaje ŭsiu svaju moc. Žychary Hazy, sychodźcie adtul nieadkładna».

Uviečary paleścinskija bajeviki ździejśnili rakietnuju ataku na harady centralnaj častki Izraila. Jany vypuścili rakiety pa Tel-Avivie, Bat-Jamie, Ryšon-le-Cyjonie i inšych nasielenych punktach, paviedamiła izrailskaja Nacyjanalnaja miedycynskaja słužba.

Abstreł pačaŭsia prykładna ŭ 20:00 pavodle miascovaha času, CHAMAS padaŭ heta jak adkaz na ŭdar pa paleścinskim 11-paviarchovym budynku ŭ centry horada Haza. Usiaho hrupoŭka CHAMAS, pavodle jaje zajavy, vypuściła pa Izraili 150 rakiet.

Paśla abstrełu centralnych rajonaŭ Izraila ŭ subotu ŭviečary paranienyja prynamsi dzieviać mirnych žycharoŭ, paviedamiła hazieta Times of Israel sa spasyłkaj na źviestki miedykaŭ.

Fota: Amir Levy / Getty Images

Kiraŭnictva ŭsich krain zachodniaha śvietu vystupiła z asudžeńniem CHAMASa i padtrymkaj Izraila. Prezident ZŠA Džo Bajden vystupiŭ z admysłovym zvarotam.

«My pakłapocimsia, kab hramadzianie Izraila atrymali nieabchodnuju dapamohu i mahli praciahvać abaraniać siabie», — skazaŭ prezident ZŠA. Padtrymka biaśpieki Izraila, pavodle jaho, «źjaŭlajecca ćviordaj i niepachisnaj», i ŭ hetaj krainy jość prava abaraniać siabie i svaich hramadzian pierad abliččam terarystyčnych napadaŭ, jakija «nikoli nie mohuć być apraŭdanyja».

U toj ža čas MZS Irana padtrymaŭ CHAMAS, zajaviŭšy, što «paleścincy majuć prava abaraniać svaju ziamlu ad akupacyi».

Kamientary3

  • Oho
    08.10.2023
    Bajden "pakłapocicca"! Nu, kaniešnie! Padpiša łend-liz dla Izraila, pa jakim nie pieradaść ni patrona? Čamu "naša niva" tak pijaryć levakoŭ i dem partyju ZŠA?
  • Prachožy
    08.10.2023
    Oho, u dadzienym vypadku NN daje infarmacyju ab padziei. Vam ža, jak vynikaje z dopisu, chočacca žyć nie ŭ realnym, a iluzornym śviecie z navinami, pryjmalnymi dla vašaj psichiki.
  • hanak
    08.10.2023
    NN, napišycie jak rašysckija z prapahandysty radujucca dziejańniam terarystaŭ z chamas.

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić