U Hrodnie mužčynu praciahvajuć sudzić nibyta za 1200 kamientaroŭ
Ściapana Zadojku ahułam abvinavačvajuć pa piaci artykułach Kryminalnaha kodeksa.
Siońnia ŭ sudzie Kastryčnickaha rajona Hrodna praciahvajuć sudzić 39-hadovaha rabočaha Ściapana Zadojku. Pavodle praŭładnych kanałaŭ, u sakaviku jaho zatrymali nibyta za bolš čym 1200 kamientaroŭ, piša «Viasna».
Jaho abvinavačvajuć pavodle piaci artykułaŭ Kryminalnaha kodeksa:
- č. 2 art. 368 (abraza Łukašenki),
- art. 369 (abraza pradstaŭnika ŭłady),
- art. 370 (ździek ź dziaržaŭnych simvałaŭ),
- č. 2 art. 367 (paklop u dačynieńni da Łukašenki),
- č. 2 art. 366 (hvałt albo pahroza hvałtu ŭ dačynieńni da słužbovaj asoby albo inšaj asoby, jakaja vykonvaje hramadski abaviazak).
Spravu razhladaje sudździa Marharyta Łancevič.
Raniej paviedamlałasia, što na «pakajalnym videa» na Zadojku nakidvajucca piaciora bajcoŭ SACHR, paśla čaho mužčyna vyhladaje źbitym: u jaho padbitaje voka i padrapanaja da kryvi hałava. U videa taksama pakazali kamientary, jakija Ściapan nibyta pakidaŭ na jutubie, — pieravažna jany napisanyja na biełaruskaj movie i nakiravanyja na padtrymku Ukrainy.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary