Rasija nazapašvaje rakiety pierad udaram pa Ukrainie — brytanskaja raźviedka
Brytanskaja raźviedka miarkuje, što Rasija moža rychtavacca da masiravanych udaraŭ pa Ukrainie zimoj.
Samaloty dalokaj avijacyi VPS Rasii nie nanosili ŭdaraŭ pa Ukrainie na praciahu 21 dnia — z 21 vieraśnia 2023 hoda.
«Choć takija pierapynki nie byli čymści niezvyčajnym, apošni anałahičny pierapynak adbyŭsia ŭ pieryjad ad 9 sakavika da 28 krasavika 2023 hoda, heta značyć na praciahu 51 dnia.
U hetym vypadku było vierahodna, što dalokaja avijacyja amal vyčarpała svaje zapasy bajazdolnych rakietnych bojeprypasaŭ AS-23 paśla svajoj zimovaj kampanii suprać krytyčna važnaj nacyjanalnaj infrastruktury Ukrainy», — adznačaje raźviedka.
Na hety raz, miarkujuć tam, rasijskaje vojska moža zachoŭvać zapasy rakiet AS-23, a taksama vykarystoŭvać hetuju paŭzu dla pavieličeńnia zapasaŭ u čakańni dalejšych masiravanych udaraŭ pa Ukrainie zimoj.
«Niadaŭna Rasija zasiarodziła svaje avijaŭdary suprać abjektaŭ, źviazanych sa zbožžam, na poŭdni Ukrainy, vykarystoŭvajučy bieśpiłotnyja latalnyja aparaty adnabakovaj ataki», — dadaje raźviedka.
Heta ŭklučała ŭdary pa ŭkrainskich račnych partach na Dunai, što, vierahodna, patrabavała vysokaha ŭzroŭniu dakładnaści z-za blizkaści mety da rumynskaj miažy.
Analityki miarkujuć, što Rasija vykarystoŭvała BPŁA «Shahed» OWA dla hetych metaŭ z-za ich lepšaj dakładnaści ŭ paraŭnańni ź inšymi typami rakiet pavietranaha bazavańnia.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary