Siońnia pa trasie M-6 chadziła karova, pakul jaje nie źbili
Siońnia, 26 kastryčnika, na trasie M-6 Minsk — Hrodna adbyłasia nietypovaja avaryja. Pa trasie chadziła karova, pakul jaje nie źbili, piša «AŭtaHrodna».
Žyvioła vyjšła na chutkasnuju trasu ŭ rajonie pavarotu na viosku Daŭbieni (Vałožynski rajon). U hetym miescy arhanizavany piešachodny pierachod, tamu rekamiendavanaja chutkaść 80 km/h. Ale mnohija aŭtamabilisty chutkaści nie źnižajuć.
Čytač «AŭtaHrodna» miarkuje, što žyviołu źbili hruzaviki.
— Niezadoŭha da taho, jak ja prajechaŭ mima źbitaj žyvioły, nasustrač ruchałasia vosiem fur. Mnie zdajecca, što žyviołu zakranuli mienavita jany, bo kali b heta byŭ lehkavy aŭtamabil, to lehkavik napeŭna b paśla kantaktu z takoj bujnoj žyviołaj źmianiŭ by kurs i stuknuŭsia b u adbojnik albo źlacieŭ by z darohi. Ale nichto nie spyniŭsia, značyć aŭtamabil byŭ vialikim, — razvažaje aŭtar.
Kamientary
Davieča takuju honŝicu vidieł vo dvorie: užie jediet, jeŝio nie vyjechała iz dvora sriedi mašin, no morda połnosťju pohružiena v smartfon.