Pavieł Łatuška nazvaŭ kolkaść achviar złačynstvaŭ suprać čałaviečnaści ŭ Biełarusi z maja 2020 hoda pa maj 2023 hoda — 136 tysiač
Namieśnik kiraŭnika Abjadnanaha pierachodnaha kabinieta i kiraŭnik NAU Pavieł Łatuška ŭziaŭ učora ŭdzieł u paneli inaŭhuracyi Biełaruskaj kanfierencyi ŭ Talinie.
Na adkryćci mierapryjemstva Pavieł Łatuška adznačyŭ, što demakratyja pačynajecca z adkaznaści, a 2020 hod daŭ mahčymaść biełarusam uziać adkaznaść za svoj cyvilizavany vybar. Adnak prava biełaruskaha naroda na svabodny vybar było pierakreślena hvałtam i represijami ŭ dačynieńni da ŭdzielnikaŭ mirnych pratestaŭ.
«Suprać biełarusaŭ była ŭžyta siła, ale biełarusy nie adkazali na heta hvałtam. My, biełarusy, uziali adkaznaść za cyvilizavany vybar. My adkaznyja i siońnia, nie pierakładvajem hetuju adkaznaść na inšych. Ale ci demakratyčny śviet uziaŭ adkaznaść za Biełaruś? Na žal, nie», — z sumam kanstatavaŭ eks-ministr kultury i eks-kiraŭnik Kupałaŭskaha teatra.
Tamu, pa jaho słovach: stratehija na siońniašni dzień — zrabić usio, kab na padstavie sabranych materyjałaŭ pryciahnuć Łukašenku da adkaznaści.
«Złačynstvy suprać ukrainskich dziaciej, vajennyja złačynstvy, 136 tysiač achviaraŭ złačynstvaŭ suprać čałaviečnaści ŭ pieryjad z maja 2020 pa maj 2023 hoda — materyjały pieradajucca ŭ Mižnarodny kryminalny sud. Spravy ŭ nacyjanalnych jurysdykcyjach pa faktach hvałtu ŭ adnosinaŭ da biełarusaŭ. Što pieraškadžaje pryciahnieńniu da adkaznaści? Na moj punkt hledžańnia jak jurysta — ničoha. Patrebna palityčnaja vola. Zrabicie adzin krok», — zaznačyŭ palityk.
Pavieł Łatuška nazvaŭ heta testam na demakratyju, jaki prachodzić nie tolki biełaruski narod, ale i Jeŭrapiejski sajuz.
«Demakratyja nie pieramoža, pakul nie nastupić adkaznaść», — reziumavaŭ kiraŭnik NAU.
NAU pieradało ŭ Mižnarodny kryminalny sud dadatkovyja dakumienty, datyčnyja vyvazu ŭ Biełaruś ukrainskich dziaciej
Načalniki Akreścina, žodzinskaj turmy… Stała viadoma, jakich łukašenkaŭskich siłavikoŭ abviaścili ŭ mižnarodny vyšuk
«Surjozny sihnał usioj siłavoj sistemie». Siłaviki Łukašenki abjaŭleny ŭ vyšuk
Ciapier čytajuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary