Aeraport u Vilni prapanujuć nazvać u honar samaha viadomaha litoŭskaha mastaka
Litva pačynaje rychtavacca da 150-hodździa z dnia naradžeńnia mastaka i kampazitara Mikałojusa-Kanstancinasa Čurlonisa. Prahramu mierapryjemstvaŭ na 2025 hod płanujuć padrychtavać viasnoj nastupnaha hoda. U liku prapanavanych idej — źmiena nazvy Vilenskaha aeraporta, piša partał madeinvilnius.lt.
«Heta maja mara, ale, moža, vilenski aeraport stanie aeraportam imia Čurlonisa, bo ŭ palakaŭ jość aeraport Šapena, a ŭ italjancaŭ — imia Leanarda Da Vinčy», — skazała daradca premjer-ministra ŭ pytańniach kultury Habryele Žajdycie. Adnak, pavodle jaje słoŭ, hetaje pytańnie jašče pavinna vyrašyć uradavaja kamisija, jakaja źbiarecca na pieršaje pasiadžeńnie ŭ śniežni.
U kamisiju ŭvojduć dziejačy roznych śfier, a ŭznačalić premjer-ministarka Inhryda Šymanicie.
Litoŭski mastak, kampazitar, dziejač kultury Čurlonis naradziŭsia ŭ 1875 hoda ŭ Staroj Varenie. Jon pamior 10 krasavika 1911 hoda niedaloka ad Varšavy, pachavany na mohiłkach Rosy ŭ Vilni. Jon źjaŭlajecca samym viadomym mastakom i kampazitaram Litvy.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła7
Kamientary