Jaho syna prysudzili da troch hadoŭ (taksama za danaty).
Minskaja prakuratura paviedamiła pra prysud «58-hadovamu ŭradžencu Baranavičaŭ». Pa artykułach i ŭzroście padychodzić Jurenia Juryj Paŭłavič, źviartaje ŭvahu «Bresckaja viasna».
Mužčynu asudzili za bolš čym 100 hrašovych pieravodaŭ na 1885 dalaraŭ. Pieravody rabilisia z 7 žniŭnia 2020 hoda da 24 sakavika 2021 hoda.
Heta paličyli «finansavańniem dziejnaści ekstremisckaha farmavańnia» (choć, chutčej za ŭsio, jak i ŭ anałahičnaj spravie Piatra Jarmašuka, na toj momant inicyjatyvy nie byli nijakimi «ekstremisckimi farmavańniami»).
U vyniku Jurenia-starejšy asudžany na 5 hadoŭ kałonii. Rašeńnie vyniesła 20 listapada sudździa Śviatłana Čarapanava (Minski harsud).
A jaho syna, Vitala Jureniu, jašče ŭ žniŭni prysudzili da troch hadoŭ kałonii. Taksama za danaty.
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary