Hramadstva55

«Pakaštavaŭ biełaruski ramen — makarona ŭ mačy». Japoniec u Minsku viadzie dziŭny tyktok

Chłopiec ź Japonii, jaki pryjechaŭ žyć u Biełaruś, viadzie tyktok-akaŭnt. Čas ad času jon sprabuje razmaŭlać na biełaruskaj movie. Kaža, što pieršaja fraza, jakuju jon tut vyvučyŭ, heta: «Nastupny prypynak: Łabanka. Aściarožna, dźviery začyniajucca!». A taksama dzielicca, što jaho ŭraziła.

Skrynšot videa ŭ tyktoku Patrick Blyatman

Miarkujučy pa tyktoku, japoniec pryjechaŭ u Biełaruś u vieraśni. Jaho sproby (chłopiec viadzie akaŭnt pad nikam Patrick Blyatman) havaryć na nie rodnaj dla siabie movie zvyčajna vyklikajuć zamiłavańnie ŭ kamientataraŭ. Niechta vypraŭlaje jaho pamyłki, niechta piša kamplimienty, a niechta ź biełarusaŭ ščyra zachaplajecca: «Jon razmaŭlaje na biełaruskaj lepiej, čym ja». Zdajecca, japoncu heta padabajecca: «DziaUj usim, chto napisaŭ mnie miły kamientaryj na biełaruskaj» (arfahrafija zachavana).

@patrickblyatman Ja inohda sposobien sdiełať normalnyj post #biełaruś #biełaruś #minsk #avtobus #iaponiec #iaponcy ♬ Byelorussia - Dziaržaŭny Himn Respubliki Biełaruś - My, Biełarusy (State Anthem of the Republic of Belarus - We Belarusians) [Sung] - Glocal Orchestra

Jość siarod kamientataraŭ i tyja, chto ščyra ździŭlajecca tamu, što japoniec moža pačać razmaŭlać na biełaruskaj, a sami biełarusy — nie: «Cikava, što adkažuć biełarusy, jakim usio žyćcio niešta pieraškadžaje, kab vučyć biełaruskuju», «I jakoje ŭ ciabie apraŭdańnie na siońnia, kab nie razmaŭlać na rodnaj? Chłopča bolš biełarus, čym budź jaki miascovy».

Na pytańnie pra toje, što jon robić u Biełarusi, chłopiec nie vielmi choča raskazvać. Ale ŭ adnym ź videa jon pačaŭ havaryć, što ŭ dziacinstvie ŭ školnaj biblijatecy pabačyŭ knižku pra rasijskaha impieratara Piatra Vialikaha: «Jana była nastolki prostaja, što navat padletak z murašynym mozham zmoh jaje zrazumieć». Čamuści mienavita hetu padzieju chłopiec nazyvaje pačatkam svajho doŭhaha šlachu ŭ Biełaruś.

Skrynšot videa ŭ tyktoku Patrick Blyatman

Pieryjadyčna japoniec dzielicca svaimi ŭražańniami ad našaj krainy. Pieršaje, što jaho ździviła, kali jon pryjechaŭ, — što ŭ mietro možna sustreć šmat ludziej u kamuflažy, a na vulicy tabie mohuć palić prosta ŭ tvar. Voś jašče jaho typovyja «asabistyja naviny japonca ŭ Biełarusi»: «pačastavaŭ taka-set za 25 rubloŭ, znajšoŭ numar telefona, kab zamović bulbu (ubačyŭ abjavu na padjeździe. — «NN»), pabačyŭ vobłaka ŭ vyhladzie karty Biełarusi (zachapiŭsia patryjatyčnym niebam. — «NN»), ustalavaŭ «tančyki» na mabilny — zaraz ja mahu likvidavać fašystaŭ kolki zachaču».

Biełaruskija varyjanty straŭ japonskaj kuchni jamu, ščyra kažučy, nie spadabalisia: «Pakaštavaŭ biełaruski ramen (japonski sup z pšaničnaj łokšynaj. — «NN»): ja by chutčej nazvaŭ heta makaronaj u mačy». Mabyć, tamu chłopiec pačaŭ zdymać videa, u jakich tłumačyć, jak pravilna hatavać japonskija stravy — pačynajučy z taho, jakija inhredyjenty možna kupić u «Hipa», a što treba zakazvać na «Vajłdbieryz».

@patrickblyatman Kak prihotoviť prostaja japonskaja soba. #iaponskij #iaponskajakuchnia #hotovka #iaponiec #soba #biełaruś ♬ Slow - ALPAN MAULANA HAKIM

Japonca vielmi ŭrazili biełaruskija aziory: «U rajonie Tokia aziory, u jakich možna kupacca, sustrakajucca nie časta. Kali ja ŭbačyŭ heta ŭ pieršy raz, to padumaŭ: «Ničoha sabie! Heta jak u Skyrim (kampjutarnaja hulnia. — «NN»)». Dla čałavieka, jaki ŭsio žyćcio pražyŭ u japonskim horadzie, heta vyhladała fantastyčna».

@patrickblyatman Krychu praktykuju biełaruskuju.. #biełaruskajamova #biełaruś #biełaruś #iaponiec #biełaruskiciktok ♬ original sound - Patrick Blyatman

Pakul u chłopca mała padpisčykaŭ — usiaho 635. Heta moža zdavacca dziŭnym, bo zvyčajna błohi zamiežnikaŭ u Biełarusi ź cikavaściu hladziać. Dla paraŭnańnia: Kajła Pineda ź Vieniesueły, pra jakuju raniej pisała «Naša Niva», maje amal 19 tysiač padpisčykaŭ u tyktoku. Ale ž chłopiec tolki niekalki miesiacaŭ jak pačaŭ vieści akaŭnt.

Pačućcio humaru ŭ japonca davoli śpiecyfičnaje.

@patrickblyatman #miem #studient #univiersitiet #francuzskij #miemy #r_ie_k_o_m_i_n_d_a_c_i_i #napoleon ♬ original sound - Patrick Blyatman

Jon sprabavaŭ rabić niejkija miemy, vykarystoŭvajučy biełaruski kantekst, ale atrymlivałasia davoli kryndžova — naprykład, videa z Łukašenkam, jaki byccam by havoryć na francuzskaj movie. Žartavaŭ japoniec i z taho, jak jon źmianiŭsia paśla pryjezdu ŭ Biełaruś: stylovy chłopiec čamuści pačynaje nasić šapku-vušanku sa značkom SSSR.

Ale, zdajecca, zaraz jon zrazumieŭ, jaki kantent bolš cikavy dla miascovaj aŭdytoryi.

Kamientary5

  • Janka
    12.12.2023
    Kali japoniec nazvaŭ biełaruski "ramen" mačoj - cikava jak by jon acharakteryzyvaŭ tutejšyja "sušy"
  • Chorar
    12.12.2023
    Čałaviek pryjechaŭ u krainu z nulavymi viedami pra Biełaruś (ŭvohule, možna skazać, što z nulavymi viedami nie tolki pra Biełaruś)... I voś jaho tyk-tok - heta toje, što jon zrazumieŭ pra našu krainu znachodziačysia tut uvabraŭšy toje, što było na pavierchni. I atrymaŭsia taki absurd i šyzafrenija, ale heta i jość taja kraina ŭ jakoj našyja hramadzianie žyvuć kožny dzień.
  • hoblen
    12.12.2023
    Pro itiellekt amioby vy po fotohrafii samkuraja soobrazili, da? Hoblen vot zdiešnije tieksty čitajet i po nim i ich tuporyłym risunkami ponimajet, čto s intiellektom vsio trudno. No po fotkie? Voschiŝajusia vašiej pronicatielnosťju! Hoblen umiliłso dažie :)
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada

Usie naviny →
Usie naviny

Navalničny front dabraŭsia da Minska

Źmierajcie svaju taliju i rost — hetyja dźvie ličby šmat skažuć pra vaša zdaroŭje

Urad vyznačyŭsia ź pieranosam pracoŭnych dzion u nastupnym hodzie

Učora ŭ Minsku prapaŭ chłopčyk, jaki nie razmaŭlaŭ

«Čamu ty adklučyŭ ruchaviki?» Papiaredni dakład ab katastrofie samalota Air India vyklikaŭ jašče bolš sprečak4

«Razam adkryvali kantynient biełaruščyny». Vincuk Viačorka zhadaŭ pra Edvarda Zajkoŭskaha3

Na Vałyni raźbiŭsia francuzski źniščalnik Mirage4

Premjeru i śpikieru Siejma Litvy prypomnili, što jany 17 hadoŭ tamu jeździli ŭ Biełaruś6

«Hetaje haŭno treba spyniać». Kurs, Roŭda, Łojka dy inšyja biełarusy pra dykpiki Stryžaka53

bolš čytanych navin
bolš łajkanych navin

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada

Hałoŭnaje
Usie naviny →

Zaŭvaha:

 

 

 

 

Zakryć Paviedamić