U Homieli chłopiec raźličyŭsia falšyŭkaj u maršrutcy. Jaho znajšli z dapamohaj videakamiery i dali hihancki štraf
Raźlik byŭ na toje, što kiroŭca, jaki siadzić śpinaj da sałona, zaniaty kiravańniem i nie zaŭvažyć falšyvaj kupiury.
Falšyŭka apynułasia ŭ 23-hadovaha chłopca paśla hulni ź siabrami ŭ karty. Maładyja ludzi vyrašyli hulać na hrošy. Praŭda, na niesapraŭdnyja. Jany razdrukavali niekalki kupiur pa 50 rubloŭ na kalarovym pryntary ŭ naturalnuju vieličyniu z adnolkavym sieryjnym numaram, piša belkagomel.by.
Paźniej chtości z kampanii zaŭvažyŭ, što z časam kupiury znošvajucca i stanoviacca amal nieadroznymi ad sapraŭdnych. Hetym i vyrašyŭ skarystacca adzin z chłopcaŭ — falšyŭkaj raźličyŭsia ŭ maršrutcy. Jašče i reštu ź jaje atrymaŭ.
— Raźlik byŭ na toje, što kiroŭca, jaki siadzić śpinaj da sałona, zaniaty kiravańniem i nie zaŭvažyć falšyvaj kupiury. Tak i adbyłosia. Padrobku kiroŭca zaŭvažyŭ, tolki kali pieraličvaŭ vyručku paśla źmieny. Adnak u sałonie maršrutki była videakamiera. Prahledzieŭšy zapis za dzień, maršrutčyk atrymaŭ partret padazravanaha i pieradaŭ jaho milicyi. Nieŭzabavie chłopca zatrymali, — raspavioŭ staršy pamočnik prakurora Homiela Alaksandr Šapavałaŭ.
Sud pryznaŭ chłopca vinavatym u vyrabie, zachoŭvańni i zbycie padroblenych hrošaj i prysudziŭ dva hady chatniaj chimii, ale daŭ hihancki štraf: 11 100 rubloŭ.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary