U Maładziečnie zvolnili režysiora abłasnoha teatra, jaki staviŭ śpiektakl pa Aleksijevič
U Minskim abłasnym dramatyčnym teatry nie praciahnuli kantrakta z mastackim kiraŭnikom Valeryjem Anisienkam. Siońnia — jaho apošni pracoŭny dzień. Pra heta «Lusterku» paviedamili čytačy.
Valeryj Anisienka naradziŭsia ŭ 1944 hodzie ŭ Tałačynie. Skončyŭ Biełaruski teatralna-mastacki instytut. Pracavaŭ akcioram u Viciebsku ŭ Kołasaŭskim teatry (1965-1967) i ŭ staličnym Kupałaŭskim (1969-1977).
Zatym atrymaŭ režysiorskuju adukacyju. Pracavaŭ hałoŭnym režysioram Teatra junaha hledača (1979-1980), Teatra-studyi kinaakciora (1980-1982), Biełaruskaha radyjo (1982-2000), dyrektaram — mastackim kiraŭnikom Respublikanskaha teatra biełaruskaj dramaturhii (2000—2012), dyrektaram — mastackim kiraŭnikom (2012—2014), zatym prosta mastackim kiraŭnikom Kołasaŭskaha teatra (2014—2017). Z 2017-ha — u Maładziečnie.
Pastaviŭ dziasiatki śpiektaklaŭ u teatrach, a taksama bolš za sotniu radyjośpiektaklaŭ. Siarod jaho pastanovak — «Čarnobylskaja malitva» pavodle adnajmiennaj knihi Śviatłany Aleksijevič, jakuju Anisienka pastaviŭ u RTBD. Hetuju pastanoŭku źniali z repiertuaru ŭ 2021 hodzie.
Łaŭreat Dziaržaŭnaj premii Respubliki Biełaruś i premii «Za duchoŭnaje adradžeńnie». Zasłužany dziejač mastactvaŭ Respubliki Biełaruś.
Kamientary