Prezident Šviejcaryi pakinuŭ pasadu, zapisaŭšy na raźvitańnie śmiešnaje VIDEA
31 śniežnia staŭ apošnim dniom na pasadzie dla prezidenta Šviejcaryi Alena Bierse. Svoj adychod jon aformiŭ z humaram, zapisaŭšy nievialički rolik i vystaviŭšy jaho ŭ sacsietcy X.
51-hadovy Alen Bierse zajmaŭ pasadu prezidenta Šviejcaryi ŭsiaho hod, z 1 studzienia pa 31 śniežnia 2023-ha. Heta asablivaść šviejcarskaj palityčnaj sistemy: prezident tam nie abirajecca na niejki praciahły termin i nie źjaŭlajecca kiraŭnikom dziaržavy ŭ zvyčajnym razumieńni.
Kiraŭnik dziaržavy ŭ Šviejcarskaj Kanfiederacyi kalektyŭny — heta Fiederalnaja rada, jakaja składajecca ź siami čałaviek. Kožny ź ich adkazvaje za peŭny kirunak pracy i ŭznačalvaje adpaviedny departamient-ministerstva. Ź liku hetych siami čałaviek jakraz štohod i abirajecca prezident, ale ŭ jaho niama nijakich asablivych dadatkovych paŭnamoctvaŭ, jon tolki «pieršy siarod roŭnych».
Alen Bierse ŭvachodziŭ u Fiederalnuju radu Šviejcaryi z 2012 hoda, uznačalvajučy tam Departamient unutranych spraŭ. Prezidentam jon adzin raz užo byŭ i raniej — u 2018 hodzie. A ciapier pryniaŭ rašeńnie pakinuć nie tolki hetuju simvaličnuju pasadu, ale i ŭvohule vyjści ź Fiederalnaj rady. Pieradusim hetaj padziei i pryśviečany jahony raźvitalny rolik.
Kamientary
Albo na tronie siadzieć, albo prosta siadzieć.