Polskija pamiežniki anulavali biełarusu vizu i abaviazali viarnucca na radzimu
31-hadovamu hramadzianinu Biełarusi anulavali polskuju pracoŭnuju vizu i abaviazali viarnucca na radzimu. Padstavaj stała toje, što «meta znachodžańnia nie adpaviadała zajaŭlenaj».
Hramadzianina Biełarusi zatrymali 3 studzienia na niamiecka-polskaj miažy padčas mierapryjemstvaŭ, nakiravanych na kantrol zakonnaści znachodžańnia inšaziemcaŭ.
Biełarusa, jaki ruchaŭsia z Hiermanii ŭ Polšču, pravieryŭ polska-niamiecki pamiežny patrul. Mužčyna padaŭ dla kantrolu biełaruski pašpart i dziejnuju vizu, vydadzienuju dla pracy ŭ Polščy.
«Adnak jon nie ŭładkavaŭsia na pracu ŭ adpaviednaści z vydadzienaj vizaj i nie sprabavaŭ ustupić u kantakt sa svaim pracadaŭcam. Z zajavy biełarusa vynikała, što jon žyŭ u siabroŭ u Hiermanii kala miesiaca», — havorycca ŭ pres-relizie Polskaj pamiežnaj słužby.
U vyniku vizu biełarusa anulavali i vynieśli rašeńnie, jakoje abaviazvaje jaho viarnucca ŭ Biełaruś na praciahu 8 dzion. Taksama jamu zabaronieny paŭtorny ŭjezd u Polšču i inšyja krainy Šenhienskaha pahadnieńnia na praciahu 1 hoda.
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary