Łukašenka ŭ chramie: My na parozie źmieny pakaleńniaŭ, na nas buduć treniravacca
Padčas naviedvańnia na Rastvo chrama Śviatoha praroka Iaana Pradciečy Alaksandr Łukašenka znoŭ zahavaryŭ, što hety hod budzie niaprostym.
«My staim na parozie źmieny pakaleńniaŭ, kali ŭsio, što zroblena, drenna ci dobra (moža być, nie nam sudzić), nam nie siońnia-zaŭtra pryjdziecca pieradać padrastajučamu pakaleńniu — našym z vami dzieciam.
Hod hety budzie vielmi niaprostym. Na nas buduć treniravacca. I nam treba vystajać. Buduć treniravacca da budučych prezidenckich vybaraŭ.
I nam treba źviarnuć asablivuju ŭvahu na moładź, jakaja nie bačyła składanych časoŭ i ŭ saviecki pieryjad, i paśla raspadu Savieckaha Sajuza. Jany nie pieražyli toje, što pieražyło siaredniaje i starejšaje pakaleńnia. Im treba pra heta raskazać, im treba pakazać, kab jany šanavali toje, što nažyta našaj pracaj», — zajaviŭ palityk.
Łukašenka dadaŭ, što ŭ hety hod treba pakazać siabie.
«Što my haspadary na hetaj ziamli, my, biełaruski narod, jaki naciarpieŭsia i napakutavaŭsia ŭ svajoj historyi, majem prava žyć pa ŭłasnych zakonach», — adznačyŭ Łukašenka, jaki nie raz pierapisvaŭ zakony i Kanstytucyju, a taksama źniavolvaje palityčnych praciŭnikaŭ, kab utrymać uładu.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj33
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary