Byłomu načalniku navapołackaj milicyi vynieśli prysud za supraciŭ svaim kaleham. Za kamienty karajuć stražej
Sud Rasonskaha rajona prysudziŭ byłomu načalniku Navapołackaha HAUS Uładzimiru Dubroŭskamu 2,5 hoda «chimii». Pry hetym jon abvinavačvaŭsia ŭ supracivie supracoŭniku milicyi, spałučanym z užyvańniem hvałtu (č. 2 art. 363 KK), piša Reform.by.
Pavodle materyjałaŭ spravy, nočču 5 žniŭnia 2023 hoda ŭ Połackim rajonie aŭtamabil abvinavačanaha spyniŭ supracoŭnik DAI. U kiroŭcy byli prykmiety ałkaholnaha apjanieńnia, jon admoviŭsia jechać u milicejski aŭtamabil i akazaŭ supraciŭ: «pryčyniŭ pravaachoŭniku paboi i fizičny bol, razarvaŭ formiennuju kašulu».
Na sudzie abvinavačany nie pryznaŭ vinu i skazaŭ, što dakranuŭsia da formiennaha abmundziravańnia supracoŭnika DAI, kab ustajać na nahach, paviedamlaje prakuratura Viciebskaj vobłaści.
Imia i proźvišča abvinavačanaha nie pryvodziacca, adnak raniej paviedamlałasia, što ŭ Rasonskim rajonie sudzili byłoha načalnika Navapołackaha HAUS Uładzimira Dubroŭskaha. Jaho abvinavačvali pavodle č. 2 art. 363 KK.
Kali Dubroŭskaha tolki zatrymali, jaho nieŭzabavie pryznali vinavatym pavodle art. 24.3 KaAP (niepadparadkavańnie zakonnym patrabavańniam supracoŭnika milicyi) i č.2 art. 18.15 ( kiravańnie transpartnym srodkam u niećviarozym stanie). Sud Navapołacka aštrafavaŭ jaho na 200 bazavych vieličyń (7400 rubloŭ) i pazbaviŭ prava 5 hadoŭ zajmać pasady, źviazanyja z kiravańniem transpartam.
Dalejšy praciah jahonaha sudovaha pieraśledu abciažarvaŭsia deputackim statusam Dubroŭskaha, ale ŭrešcie pieraškodaj heta nie stała. Choć vyniesieny prysud i nadzvyčaj miakki ŭ paraŭnańni z tymi drakonaŭskimi, jakija pa anałahičnym artykule vynosiać palitźniavolenym.
Byłoha načalnika navapołackaj milicyi sudziać pa kryminałcy za supraciŭ milicyi
Navapołackaha deputata pakarali štrafam za niepadparadkavańnie milicyjantam i pjanuju jazdu. Ale z deputackaha kresła nie vyhnali
Byłomu kiraŭniku navapołackich siłavikoŭ dali štraf za niećviarozaje kiravańnie
Byłoha načalnika navapołackaj milicyi sudzili za niepadparadkavańnie jaho kolišnim kaleham. Ale pakarać jaho ciažka, bo jon deputat
Kamientary