Rasijskaja prapahanda adkryje ŭ Biełarusi jašče adzin centr «ruskaha śvietu», ciapier u Hrodnie
Rassupracoŭnictva atrymała biudžetnaje finansavańnie na toje, kab adkryć kulturny centr u Hrodnie, paviedamiŭ kiraŭnik arhanizacyi Jaŭhien Prymakoŭ, piša Sputnik.
«My atrymali dziaržaŭnaje, biudžetnaje finansavańnie na adkryćcio kulturnaha centra, užo aficyjnaha. Spadziajusia, da Dnia adzinstva narodaŭ Rasii i Biełarusi, 2 krasavika, my adkryjemsia ŭ Hrodnie», — skazaŭ Prymakoŭ.
Jon udakładniŭ, što ŭ centry buduć pracavać supracoŭniki adździaleńnia Rasijskaha centra navuki i kultury ŭ Minsku.
Rassupracoŭnictva nie pieršy raz adkryvaje ŭ krainie svaje centry ŭpłyvu «ruskaha śvietu».
U pačatku śniežnia ruski «infarmacyjna-kulturny centr» adkryŭsia ŭ Mahilovie. U Rassupracoŭnictvie padkreślivali, što ŭ 2024-m zapłanavanaja cełaja sieryja mierapryjemstvaŭ «aśvietnickaha charaktaru, nakiravanych na raźvićcio kulturnych i adukacyjnych suviaziaŭ Rasii i Biełarusi».
Tady ž arhanizacyja abstalavała ŭ Hrodnie multymiedyjny kłas. «Novaja adukacyjnaja prastora abiacaje stać papularnaj kropkaj dla kulturna-aśvietnickich mierapryjemstvaŭ. U centry buduć pravodzicca roznyja mierapryjemstvy, źviazanyja z ruskaj movaj i litaraturaj, biełaruska-ruskaj historyjaj i kulturaj», — piša vydańnie.
«Ruskija damy» taksama pracujuć u Homieli i Breście.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos16
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4949
Kamientary