Hramadstva88

«Nas «vyciskajuć» patrochu, ale vielmi vyrazna…». Biełarusy raskazali, jak asabista ich zakranaje pavieličeńnie kamunałki

Jaŭhienija z zarobkam 900 rubloŭ i dvuma dziećmi paśla padaražańnia pasłuh ŽKH raźličvaje na padtrymku blizkich. Piatro ličyć situacyju štučnaj i aburany joju. A Saša vymušany apłačvać try kvatery: svaje i rodnych ludziej, tamu jaho pavyšeńnie taryfaŭ zakranie trojčy. Čytačy vydańnia Ex-press.by ščyra raskazali, što jany dumajuć pra padaražańnie kamunalnych pasłuh.

Jaŭhienija:

«U mianie typavaja dvuchpakajovaja kvatera płoščaj 48 kvadratnych mietraŭ. I heta ja budu ŭ aciaplalny pieryjad płacić 173,15 rubla ŭ miesiac, u letni pieryjad — 132,86 rubla. Tolki zarobak moj 900 rubloŭ, ja žyvu z dvuma dziećmi. Daražeje litaralna ŭsio. I pra pavyšeńnie majho zarobku niama i havorki…

Heta značyć, majo žyćcio budzie jašče horšym. I znoŭ ja budu šukać sposaby aščadzić na vydatkach. Pasprabuju šukać hetyja samyja dziaržaŭnyja prahramy. Tolki heta naŭrad ci, bo pracuju nie na dziaržstrukturu.

Adzinaje, na što raźličvaju — padtrymka blizkich. Nu, i pošuk alternatyŭnych krynic dachodu».

Piatro:

«Čamu z hodu ŭ hod my pavinny płacić za ŽKH usio bolš i bolš? Dy tamu, što ŭ nas pryvykli da hetaj inflacyi, jakaja nasamreč źjaŭlajecca štučnaj. Chto jaje prydumaŭ? Dla čaho jana patrebna? Hrošy abiasceńvajucca, i z kožnym hodam ujaŭlajuć usio mienšuju kaštoŭnaść.

Mnie asabista vielmi ciažka žyviecca, choć zarobak bolšy, čym u mnohich. Liču kožnuju kapiejku i navat, kali jedu na Minsk, spadarožnikaŭ starajusia brać tolki za hrošy…»

Maryja:

«Ja, na ščaście, nie zajmajusia ŭsimi hetymi kvaternymi płatami. Heta mama robić, ja žyvu pakul z baćkami. Ale kožny miesiac čas płaciažoŭ — heta niervovyja dni. Addaju ad svajho zarobku 200 rubloŭ, zastajecca 500. Zaŭsiody dumała, što dobra dapamahaju baćkam, ale atrymlivajecca — tolki za kvateru płaču, a jany mianie kormiać, pojać… i naohuł utrymlivajuć. A ja tolki ŭ adpačynki ja jezdžu za svoj košt, dy i to niedaloka — u Picier i Hrodna mahu narmalna źjeździć».

Taćciana:

«Nasamreč, na pieršy pohlad, usio nie tak strašna. Taryfy pryviazali da bazavaj vieličyni. Z 1 studzienia bazavaja vieličynia — 40 rubloŭ. Značyć, suma pavyšeńnia nie pavinna być bolšaj za 20 rubloŭ. Heta značyć nas «vyciskajuć» patrochu, ale vielmi vyrazna… My jak paddoślednyja murašy, nad jakimi chtości strašny i vialiki pravodzić dośledy».

Saša:

«Kvaternaja płata dla mianie — nie prablema, kali b ja płaciŭ tolki za svaju. Ale dapamahaju mamie-piensijaniercy, bo bolšaja častka jaje piensii sychodzić na šalona darahija leki. A jašče dačce dapamahaju, jana žyvie na zdymnaj kvatery. Tak što mianie pavyšeńnie kvaternaj płaty tyčycca nie adzin, a try razy. Uvohule, zadziaŭbło heta ŭsio… Tamu što nie rastuć dachody našy tak, jak vydatki…»

Kamientary8

  • Hańba
    09.02.2024
    Źjazdžajcie tudy, dzie płociać hrošy, a nie padački albo ciarpicie. Nichto nie dapamoža. Dziaržavie plavać na narodziec. U revalucyju ŭ nas nie atrymałasia.
  • ..
    09.02.2024
    Heta značyć nas «vyciskajuć» patrochu, ale vielmi vyrazna…

    nu. i tym časam na padjeździe abjava visić - sieḿja iz rośsii kupit kvartiru v vašiem domie
  • Ludmiła
    09.02.2024
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Zialenski prapanavaŭ pravieści trochbakovuju sustreču z Pucinym i Trampam

Šrajbman: Ciapierašnija kanflikty ŭ apazicyi ŭžo mała kaho cikaviać13

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku9

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu5

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić