U vajnie pieramoža toj, u kaho budzie bolš snaradaŭ. Ci moža heta być Ukraina?
Niahledziačy na padtrymku Zachadu, Ukraina pakul značna sastupaje Rasii pa kolkaści bojeprypasaŭ. Ale ci tak budzie zaŭsiody?
Jak piša Le Monde, u pačatku poŭnamaštabnaha ŭvarvańnia Rasii va Ukrainu ŭ lutym 2022 hoda šmat jakija zachodnija krainy zabiaśpiečvali ŭkrainskuju armiju bojeprypasami i inšym vajennym abstalavańniem — ad supraćtankavych hranatamiotaŭ da broniekamizelek i bronietransparcioraŭ.
Pa miery taho, jak vajna zaciahvałasia, zachodniaja dapamoha dyviersifikavałasia. Pry hetym asablivuju važnaść dla ŭkrainskaj armii nabyli pastaŭki artyleryjskaha snaradu kalibru 155 milimietraŭ. Jany vykarystoŭvajucca krainami-členami NATA. Ličycca, što jany lepšyja za snarady kalibru 152 milimietry, jakija vykarystoŭvaje Rasija.
Techničnaja pieravaha Ukrainy ŭ spałučeńni z dalnabojnymi dakładnymi ŭdarami dziakujučy zachodnim rakietam Storm Shadow i rakietnaj ustanoŭcy HIMARS dapamahli Ukrainie stvaryć pieraškody dla Rasii ŭ farmiravańni novych bryhad. Ale hetyja vysokadakładnyja i vysokatechničnyja bojeprypasy chutka skončylisia. I ciapier Ukraina sutykajecca z skaračeńniem ich pastavak.
Na siońnia linija frontu praktyčna zamarožana. Ni ŭ adnaho z bakoŭ niama pieravahi. Hetaja situacyja ŭ vajennych nazyvajecca «taktyčny tupik». U sałdat jość tolki adna zbroja — artyleryja. Ale dla ŭkrainskaj armii vielmi aktualnym źjaŭlajecca pytańnie bojeprypasaŭ.
Kali viasnoj 2023 hoda suadnosiny vypuščanych bojeprypasaŭ było 2 da 1 na karyść Rasii, to ŭ studzieni 2024 hoda jano składała 10 da 1.
Jak piša karespandent ahienctva Associated Rress, na praciahu niekalkich tydniaŭ ukrainskija siły pa ŭsioj linii frontu skardzilisia na vostry niedachop bojeprypasaŭ. Pry hetym niekatoryja artyleryjskija batarei viali boj, majučy tolki 10% nieabchodnych im zapasaŭ.
Čamu Ukraina tak mała atrymlivaje bojeprypasaŭ?
Dla taho, kab adkazać na pytańnie, čamu spyniłasia dapamoha, nieabchodna viarnucca da pačatku vajny. U toj čas zachodniaja padtrymka była ŭ samym razhary. Ukrainie było pastaŭlena vialikaja kolkaść raznastajnaj dapamohi. Krainy Zachadu faktyčna addavali ŭsie svaje najaŭnyja zapasy.
Jak viadoma, u kanflikcie takoj vysokaj intensiŭnaści kolkaść vypuščanych bojeprypasaŭ zjaŭlajecca značnaj. Ukraina štodnia vykarystoŭvała dziasiatki tysiač bojeprypasaŭ. U vyniku nie tolki spustošylisia ich zapasy, ale i vytvorčaść była nie ŭ stanie naraścić svaje tempy dastatkova chutka, kab adnaŭlać raschody.
Vyčarpaŭšy častku svaich vajennych zapasaŭ, krainy Zachadu ciapier vymušany ci vypuskać novyja ci achviaravać ich niepasredna sa svajho ciapierašniaha arsienału. Ale jość adna prablema — abaronnaja pramysłovaść Zachadu nie ŭ stanie zadavolić patrebu Ukrainy ŭ bojeprypasach.
Paśla zakančeńnia chałodnaj vajny Jeŭropa i ZŠA viali kanflikty nizkaj intensiŭnaści, jakija patrabavali mienšych resursaŭ. Na adnaŭleńnie vytvorčaści artyleryjskich bojeprypasaŭ nieabchodny čas, u toj čas jak abaronnaja pramysłovaść Rasii pracuje na poŭnuju mahutnaść.
U 2024 hodzie Ukrainu čakaje jašče adna niavyznačanaść — palityčnaja. U hetym hodzie ŭsia ŭvaha źviernuta na vybary ŭ ZŠA. Źmieny ŭ palityčnaj pazicyi hetaj krainy moža akazać zhubny ŭpłyŭ na vajnu va Ukrainie. Asobnyja analityki ličać, što pieramoha Trampa nie daść toj padtrymki Ukrainie z boku ZŠA, jakaja akazvajecca administracyjaj Bajdena.
Što Ukraina moža zrabić
Adnoj ź pieravah Ukrainy zjaŭlajucca jaje ŭłasnyja vytvorčyja mahutnaści. Sutyknuŭšysia ź niavyznačanaściu adnosna ZŠA, Ukraina ŭsio jašče moža raźličvać na nacyjanalnuju abaronnuju pramysłovaść. Ale jana, jak i jeŭrapiejskaja, patrabuje raźvićcia, na što nieabchodny čas.
Kab kampiensavać niedachop artyleryjskich bojeprypasaŭ ukrainskaja armija raspracavała šerah FPV-dronaŭ. Hetymi tannymi, ale efiektyŭnymi pryładami možna kiravać dystancyjna, kab atakavać cel.
Taksama Ukraina mahła b palepšyć padrychtoŭku svaich sałdat z dapamohaj vojskaŭ krain-sajuźnic NATA. Pa mierkavańni ministerstva abarony Estonii, ich padrychtoŭka nieabchodna dla pieramohi nad Rasijaj.
Le Monde cytuje spravazdaču ministerstva abarony Estonii, dzie zajaŭlena, što dadatkovyja kolkasnaja i jakasnaja padrychtoŭka ŭkrainskich vojsk pobač ź nieabchodnaj vajennaj dapamohaj pavialičać straty Rasii. Heta padšturchnie Kreml da prymusovaj usieahulnaj mabilizacyi, jakaja moža destabilizavać situacyju i prezidenctva Pucina.
Vydańnie adznačaje, što ŭ hetym hodzie Ukraina moža atrymać i pieršyja F-16.
Pry pravilnaj padrychtoŭcy i najaŭnaści rakiet ukrainskija piłoty mahli b viarnuć sabie pieravahu nad Rasijaj, pa mienšaj miery, u pavietry. Hetaja pieravaha, bieź jakoj ciapierašni taktyčny tupik moža ź ciaham času abiarnucca suprać Ukrainy.
Takim čynam, źmiena dynamiki kanfliktu moža być adnym z varyjantaŭ, na jakich nastojvaje Ukraina. I zachodnija sajuźniki pavinny zrazumieć, što heta patencyjna moža stać šlacham prasoŭvańnia napierad.
Čytajcie jašče:
Šviecyja pieradaść Ukrainie rekordny pakiet uzbrajeńnia na sumu kala $700 miljonaŭ
Danija pieradała Ukrainie ŭsiu artyleryju, jakuju mieła, i zaklikaje inšych zrabić toje ž
Sajuźniki źbirajucca pieradać Ukrainie tysiačy dronaŭ sa štučnym intelektam
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj16
Kamientary