Hienieralny sakratar NATA pryznaŭ prava Ukrainy nanosić udary pa terytoryi Rasii
Kijeŭ maje prava nanosić udary pa rasijskich vajskovych abjektach za miežami Ukrainy ŭ adpaviednaści ź mižnarodnym pravam, zajaviŭ hienieralny sakratar NATA Jens Stołtenbierh.
«Heta ahresiŭnaja vajna Rasii suprać Ukrainy, jakaja źjaŭlajecca hrubym parušeńniem mižnarodnaha prava. A pavodle mižnarodnaha prava Ukraina maje prava na samaabaronu. Heta ŭklučaje ŭ siabie taksama naniasieńnie ŭdaraŭ pa lehitymnych vajskovych celach, rasijskich vajskovych celach za miežami Ukrainy», — cytuje Stołtenbierha Financial Times.
Financial Times piša, što heta važnaja źmiena ŭ rytorycy lidara vajskovaha aljansu, raniej jon prynamsi publična nie padtrymlivaŭ takuju taktyku.
Napiaredadni hienieralny sakratar NATA zajaviŭ, što Uzbrojenyja siły Ukrainy zmohuć nanosić udary pa terytoryi Rasii z dapamohaj źniščalnikaŭ F-16, kali jany buduć pastaŭlenyja.
Pavodle jaho słoŭ, kožny sajuźnik Ukrainy budzie vyrašać samastojna, pieradavać źniščalniki Kijevu ci nie. Adnak usie pastaŭlenyja F-16 ukrainskaja armija zmoža vykarystoŭvać u ramkach samaabarony.
Ciapier čytajuć
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary