Hety orhan zajmajecca kantralavańniem internetu ŭ Biełarusi.
Ź siońniašniaha dnia Apieratyŭna-analityčny centr pry prezidencie Respubliki Biełaruś nadzialajecca pravam ažyćciaŭlać apieratyŭna-vyšukovuju dziejnaść na terytoryi Biełarusi, paviedamlaje resurs electroname.com.4-ha studzienia Alaksandr Łukašenka padpisaŭ zakon «Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś pa pytańni ŭzmacnieńnia baraćby sa złačynnaściu», jaki ŭstupiŭ u siłu praz 10 dzion paśla padpisańnia.
AAC niadaŭna pryciahnuŭ uvahu da siabie, dziakujučy prajektu ŭkaza ab rehulavańni internetu ŭ Biełarusi. Prajekt vyklikaŭ šyroki rozhałas ŭ biełaruskaj internet-supolnaści. Novy ŭkaz nadavaŭ hetaj struktury prava kantralavać kanały dostupu da suśvietnaha pavucińnia ź Biełarusi i ŭvieś biełaruski siehmient sietki. Ukaz pakul nie padpisany, choć i znachodzicca na razhladzie ŭ kiraŭnika dziaržavy.
Pašyreńnie paŭnamoctvaŭ AAC moža być svojeasablivaj padrychtoŭkaj da padpisańnia našumiełaha ŭkaza.
Na praktycy prava ažyćciaŭlać apieratyŭnuju dziejnaść ŭ internecie aznačaje samyja raznastajnyja vidy dziejnaści. Ad błakavańnia resursaŭ, da adsočvania pryvatnaj pierapiski praz paštovyja servisy i sacyjalnyja sietki.
Apieratyŭna analityčny centr byŭ stvorany ŭ krasaviku 2008 h. Da hetaha času pry Administracyi kiraŭnika dziaržavy isnavaŭ inšy orhan, jaki zajmaŭsia pytańniami, źviazanymi z funkcyjanavańniem ŭ Biełarusi Internetu – Dziaržaŭny centr biaśpieki infarmacyi. Tady novastvoranaja ŭstanova pieravažna zajmałasia rehistracyjaj damienaŭ u zonie .by i kantaktami z zamiežnymi arhanizacyjami, dziejnaść jakich datyčyła suśvietnaha pavucińnia.
Čamu YouTube vydaliŭ kanały BiełTA, STB i ANT? Voś što viadoma11
Kamientary