Zdaroŭje44

Biełarusy zmohuć zrabić biaspłatnaje EKA ŭ Polščy. Jak i kudy źviartacca

Jak biełaruskim param atrymać finansavańnie EKA ŭ Polščy. 

Fota: Thanasis Zovoilis / Getty Images

U Polščy na EKA sioleta vydzielać 500 młn złotych (heta kala 125 młn dalaraŭ), čakajecca, što finansavańnie budzie taksama raspaŭsiudžvacca na zamiežnikaŭ, jakija pražyvajuć u krainie.

Praviły jašče raspracoŭvajucca, ale ŭžo dakładna viadoma, što apłačvać hetuju miedycynskuju praceduru dziaržava pačnie z 1 červienia. Kab raniej za inšych atrymać datacyju, usie pary, u jakich pa niejkich pryčynach nie atrymlivajecca zavieści dzicia, pavinny da hetaj daty źviarnucca da doktara, prajści kurs lačeńnia i atrymać abaviazkovaje nakiravańnie na EKA. 

Polšča pajšła na hety krok praz prablemu z naradžalnaściu. Kali ŭ 2021 hodzie tam na śviet źjaviłasia 332 tys. niemaŭlat, to ŭ 2022-m — užo 305 tys., a za minuły hod naradziłasia ŭsiaho 272 tys. dziaciej. Ź ich bolš za 15 tysiač novanarodžanych majuć baćkoŭ-zamiežnikaŭ (na pieršym miescy ŭkraincy, na druhim — biełarusy), što robić ich uniosak u naturalny pryrost nasielnictva adčuvalnym. Ahulnanacyjanalnaja prahrama kampiensacyi vydatkaŭ na EKA — adzin sa sposabaŭ novaha ŭrada pierałamać niepryjemnuju demahrafičnuju tendencyju. 

Kryteryi, pa jakich buduć adbirać pary dla ŭdziełu ŭ prahramie, a taksama pamier finansavańnia (abo dafinansavańnia) pakul nieviadomyja. Niekatoraje ŭjaŭleńnie pra toje, jak heta moža vyhladać, dajuć prahramy sumiesnaha finansavańnia lačeńnia mietadam EKA, jakija i ciapier dziejničajuć u niekatorych rehijonach Polščy. Datacyi mohuć atrymlivać i biełaruskija pary.

Što cikava: nie abaviazkova być u aficyjnym šlubie, heta moža być hramadzianskaje partniorstva. Kali havorka idzie pra ŭzrost, to vierchni paroh dla žančyny vahajecca ad 40 da 43 hadoŭ. Praktyčna ŭsiudy praduhledžvajecca abaviazkovaje lačeńnie na praciahu 12 miesiacaŭ pierad praceduraj EKA, choć doktar moža skaracić hety termin, ale atrymać finansavańnie biez papiaredniaha zvarotu pa dapamohu da śpiecyjalistaŭ nie atrymajecca.

Suma, jakuju vydzialajuć miascovyja ŭłady, — ad 6 tysiač złotych (prykładna 1,5 tysiačy dalaraŭ) u Varšavie da 5 tysiač u Poznani. Heta značyć ciapier EKA finansujecca tolki častkova.

Z praceduraj EKA ŭ Polščy pracujuć u tym liku viadomyja ŭkrainskija i biełaruskija repraduktołahi.

Padčas pracy nad novym zakonam ab finansavańni EKA časta spasyłalisia na papiaredniuju Dziaržaŭnuju prahramu kampiensacyi vydatkaŭ 2013-2016 hadoŭ. Miarkujecca, što novaja budzie zasnavanaja na anałahičnych pryncypach.

Tady kožnaja para, jakaja ŭdzielničała ŭ prahramie, mahła prajści try indyvidualnyja cykły lačeńnia biaspłodździa z vykarystańniem ekstrakarparalnaha apładnieńnia. U ramkach prahramy finansavałasia ŭsia bijatechnałahičnaja častka, a taksama łabaratornyja i dadatkovyja daśledavańni kliničnaj častki. Leki taksama pradastaŭlalisia.

Padčas niadaŭniaj pres-kanfierencyi ministr achovy zdaroŭja Izabeła Laščyna abviaściła, što meta prahramy EKA —zabiaśpiečyć dostup da lačeńnia z vykarystańniem ekstrakarparalnaha apładnieńnia dla ŭsich par, niezaležna ad ich finansavaha stanovišča.

Kamientary4

  • Uhu
    29.03.2024
    Nata , pryjaždžajcie ŭ Biełaruś. Zabudzieciesia na takija słovy, jak kardyjołah. Takoj ekzotyki, jak kardyjołah, u biełaruskich paliklinikach niama.
  • Polski lekar.
    29.03.2024
    A o! (ad łokcia).
  • rom
    30.03.2024
    Uhu, nie piz...i
    a to pojdieš da kardiołoha))
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Zvalniajuć daradcu administracyi Trampa pa nacyjanalnaj biaśpiecy Majka Uołca8

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić