U Trampa nazvali fejkam paviedamleńnie ab jahonym «mirnym płanie» sa zdačaj terytoryj Ukrainy
Daradca vybarčaj kampanii Donalda Trampa Džejsan Miler nazvaŭ fejkavaj navinoj paviedamleńnie vydańnia The Washington Post, u jakim raskryvalisia nibyta detali «mirnaha płana» Trampa ŭ dačynieńni da Ukrainy. Pra heta Miler raskazaŭ u intervju The New York Post, paviedamlaje «Jeŭrapiejskaja praŭda».
Miler nastojvaje na tym, što Tramp nie spynicca ni na adnym mirnym płanie, pakul nie zastupić u pasadu i nie zmoža naležnym čynam uzvažyć usie varyjanty.
«Heta ŭsio fejkavyja naviny ad Washington Post. Jany prosta prydumlajuć heta», — skazaŭ daradca kampanii Trampa Miler.
U toj ža čas jon padkreśliŭ, što Tramp — «adziny, chto havoryć pra spynieńnie zabojstvaŭ». «Džo Bajden havoryć pra praciah zabojstvaŭ», — zajaviŭ Miler, vidavočna, majučy na ŭvazie pazicyju Bajdena padtrymlivać Ukrainu zbrojaj.
Donald Tramp — vierahodny kandydat u prezidenty ad respublikancaŭ — časta vychvalaŭsia tym, što moh by damovicca ab mirnym pahadnieńni pamiž Rasijaj i Ukrainaj na praciahu 24 hadzin, kali jaho abiaruć. Ale jon nieadnarazova admaŭlaŭsia publična ŭdakładnić, jak jon zmoh by heta zrabić.
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma15
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary
Tramp staje tolki macniej.