Supracoŭnica Centralnaha RUUS Minska napisała danos na načalnika. A jaho ŭziali i pavysili
Natalla Ściopina pisała, što jaje načalnik «kryšuje» miascovyja kaviarni, źbirajučy ź ich hrošy za prava pracavać unačy.
Padnačalenaja byłoha načalnika Centralnaha RUUS Minska Artura Šachłaja daniesła pra jaho pabory z drobnaha biznesu. Pra skarhu stała viadoma z uzłamanaj «Kibierpartyzanami» bazy danosaŭ u KDB, piša Reform.news.
Supracoŭnica minskaj milicyi Natalla Ściopina 2 žniŭnia 2021 hoda paviedamiła ŭ svajoj skarzie ŭ KDB, što jaje načalnik «kryšuje» miascovyja kaviarni, źbirajučy ź ich hrošy za prava pracavać unačy.
«Załatym dnom dla kiraŭnika RUUS stała ŭzhadnieńnie času pracy handlovych punktaŭ pa vuł. Zybickaja, jakija kantralujucca tolki samim Šachłajem A. U., tak u zaležnaści ad pieradajucca jamu naŭprost i praz davieranych asob, jakija adkazvajuć za vydaču takich dazvołaŭ, sum ad 1000 umoŭnych adzinak. Vydajucca dazvoły dla pracy ŭ načny čas i handli śpirtnym, kamu da 2-ch hadzin nočy, kamu da 3-ch, a kamu da 6:00. Choć pry hetym za dadatkovyja pabory z kaviarniaŭ praktyčna ŭsie pracujuć da 6 ranicy, asabliva ź piatnicy pa niadzielu», — napisana ŭ zvarocie Ściopinaj.
Akramia taho, supracoŭnica milicyi raspaviała ŭ svaim danosie, što Šachłaj atrymlivaje z uładalnikaŭ kafe hrošy i padarunki za zakryćcio kryminalnych spraŭ, źviazanych sa strataj telefonaŭ u naviedvalnikaŭ.
Asobna adznačaje Ściopina, što ŭ zhadanych joj kafe «lubić adpačyvać załataja moładź, potym biehaje z BČB-ściahami».
Zdajecca, hety danos zastaŭsia biez nastupstvaŭ dla Šachłaja. Bolš za toje, jaho słužbovaja karjera pajšła ŭvierch. U 2021 hodzie Šachłaj «padniaŭsia» da namieśnika načalnika (načalnik milicyi hramadskaj biaśpieki) UUS Mahiloŭskaha abłvykankama.
Šachłaj uznačalvaŭ Centralnaje RUUS u 2020 hodzie. Heta RUUS adznačyłasia masavymi katavańniami zatrymanych udzielnikaŭ pratestaŭ. Jon taksama źjaŭlajecca adnym ź ludziej, datyčnych da śmierci aktyvista Ramana Bandarenki ŭ listapadzie 2020 hoda. Mienavita ŭ Centralnaje RUUS byŭ dastaŭleny źbity da śmierci Raman.
Raniej paviedamlałasia, što «Kibierpartyzany» atrymali dostup da kala 40 tysiač danosaŭ u KDB za apošnija 9 hadoŭ.
Kibierpartyzany atrymali dostup da 40 tysiač danosaŭ u KDB
«Davydźka, Ernst i Cichanoŭski — heta adzin čałaviek u roznych hrymach». Dziŭnyja danosy, jakija dasyłali ŭ KDB
Bondarava stukała ŭ KDB na Varanicu z «Biełaj Rusi»
«Łukašenka i Šunievič zasłuhoŭvajuć śmiarotnaha pakarańnia». Pra što nasamreč pisała «Frau A» ŭ KDB?
«Chaj hetaja Hiulčataj adkryje tvaryk». Siarod dopisaŭ u KDB, vykładzienych «Kibierpartyzanami», vyjaviŭsia i list Fiaduty
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary
Nastupstvy ŭzłomu bazy danosaŭ KDB kibierpartyzanami buduć raści jak śniežny kom, razburajučy i dalej łukašysckuju karnuju sistemu.