Polski sud dazvoliŭ źniać imunitet z uciekača ŭ Biełaruś sudździ Šmita i vydać ordar na jahony aryšt
Polskaja prakuratura nakiravała ŭ sud zajavu z prośbaj źniać niedatykalnaść z sudździ Tomaša Šmita i vydać ordar na jahony aryšt. U prakuratury jość dokazy ŭdziełu Šmita ŭ dziejnaści zamiežnaj vyviedki suprać Respubliki Polšča.
Pavodle źviestak śledstva, sudździa padaŭ zamiežnym śpiecsłužbam źviestki, pieradača jakich mahła pryčynić škodu nacyjanalnaj biaśpiecy, paviedamlaje prakuratura.
Prakuratura zajaŭlaje, što Šmit udzielničaŭ u hibrydnaj vajnie Rasii i Biełarusi suprać Polščy. Vystupajučy ŭ prapahandysckich šou na biełaruskich i rasijskich kanałach, jon sprabavaŭ spravakavać kanflikt Polščy z Rasijaj, padarvać mižnarodnaje stanovišča Polščy i vyklikać unutranuju napružanaść u krainie. Dla ŭzmacnieńnia efiektu ad takich dziejańniaŭ Šmit aktyŭna vykarystaŭ svoj status sudździ.
Dyscyplinarny sud Vyšejšaha administracyjnaha suda zadavoliŭ chadajnictva prakurora i pahadziŭsia pryciahnuć Tomaša Šmita da kryminalnaj adkaznaści, a taksama aryštavać jaho. Sudździa stracić imunitet, kali rašeńnie ŭstupić u siłu.
Sudździa Vajavodskaha administracyjnaha suda Varšavy Tomaš Šmit źbieh u Biełaruś 6 maja. Jon daŭ u Minsku pres-kanfierencyju, na jakoj abviaściŭ, što maje namier paprasić u Biełarusi palityčnaha prytułku.
Polskija śpiecsłužby miarkujuć, što Šmit niekalki hadoŭ kantaktavaŭ ź biełaruskaj raźviedkaj i rasiejskimi ahientami ŭ Polščy. Pa słužbie jon mieŭ dostup da sakretnaj i adčuvalnaj infarmacyi. Šmitu na radzimie pahražaje pažyćciovaje źniavoleńnie.
Źbiehłamu ŭ Biełaruś sudździ Šmitu ŭ Polščy pahražaje pažyćciovaje
Sudździa, jaki ŭciok u Minsk, pryjšoŭ na intervju z hieorhijeŭskaj stužkaj — jaho nazvali «polskim dysidentam»
Tusk: Suviaź sudździ Šmita ź Biełaruśsiu maje doŭhuju historyju
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
Kolki zarablaŭ i jakoj majomaściu vałodaje sudździa, jaki źbieh z Polščy ŭ Biełaruś
Kamientary