Польскі суд дазволіў зняць імунітэт з уцекача ў Беларусь суддзі Шміта і выдаць ордар на ягоны арышт
Польская пракуратура накіравала ў суд заяву з просьбай зняць недатыкальнасць з суддзі Томаша Шміта і выдаць ордар на ягоны арышт. У пракуратуры ёсць доказы ўдзелу Шміта ў дзейнасці замежнай выведкі супраць Рэспублікі Польшча.
Паводле звестак следства, суддзя падаў замежным спецслужбам звесткі, перадача якіх магла прычыніць шкоду нацыянальнай бяспецы, паведамляе пракуратура.
Пракуратура заяўляе, што Шміт удзельнічаў у гібрыднай вайне Расіі і Беларусі супраць Польшчы. Выступаючы ў прапагандысцкіх шоу на беларускіх і расійскіх каналах, ён спрабаваў справакаваць канфлікт Польшчы з Расіяй, падарваць міжнароднае становішча Польшчы і выклікаць унутраную напружанасць у краіне. Для ўзмацнення эфекту ад такіх дзеянняў Шміт актыўна выкарыстаў свой статус суддзі.
Дысцыплінарны суд Вышэйшага адміністрацыйнага суда задаволіў хадайніцтва пракурора і пагадзіўся прыцягнуць Томаша Шміта да крымінальнай адказнасці, а таксама арыштаваць яго. Суддзя страціць імунітэт, калі рашэнне ўступіць у сілу.
Суддзя Ваяводскага адміністрацыйнага суда Варшавы Томаш Шміт збег у Беларусь 6 мая. Ён даў у Мінску прэс-канферэнцыю, на якой абвясціў, што мае намер папрасіць у Беларусі палітычнага прытулку.
Польскія спецслужбы мяркуюць, што Шміт некалькі гадоў кантактаваў з беларускай разведкай і расейскімі агентамі ў Польшчы. Па службе ён меў доступ да сакрэтнай і адчувальнай інфармацыі. Шміту на радзіме пагражае пажыццёвае зняволенне.
Збегламу ў Беларусь суддзі Шміту ў Польшчы пагражае пажыццёвае
Суддзя, які ўцёк у Мінск, прыйшоў на інтэрв'ю з георгіеўскай стужкай — яго назвалі «польскім дысідэнтам»
Туск: Сувязь суддзі Шміта з Беларуссю мае доўгую гісторыю
Што за суддзя, які збег з Польшчы да Лукашэнкі? Томаш Шміт датычны да зліву кампрамату на калег
Колькі зарабляў і якой маёмасцю валодае суддзя, які збег з Польшчы ў Беларусь
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары