21 maja pravaabaroncy pryznali palitviaźniami jašče 19 čałaviek. Ahulnaja kolkaść ludziej, jakija na siońnia źjaŭlajucca ŭ Biełarusi palitviaźniami, składaje 1393 čałavieki.
U śpis palitźniavolenych byli dadadzienyja nastupnyja proźviščy: Arciom Makaviej, Alaksiej Hierman, Hleb Sachar, Kaciaryna Šablinskaja-Ivanova, Vasil Procharaŭ, Łarysa Procharava, Pavieł Procharaŭ, Viktoryja Damastroj, Uładzimir Bałabanovič, Natalla Kruk, Dźmitryj Cikunoŭ, Anton Kazielski, Ludmiła Lichačeŭskaja, Maryja Misiuk, Cimafiej Barysaŭ, Dźmitryj Zacharoška, Anastasija Klimienka, Alaksandr Pulinovič, Daniił Hierasim.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1393 čałavieki. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary