«Amierykancy skazali Rasii, što źniščać usie rasijskija vajennyja abjekty va Ukrainie, kali Pucin rašycca na prymianieńnie jadziernaj zbroi»
Polšča taksama padtrymała prava Ukrainy nanosić udary pa vajennych celach unutry Rasii.
Ministr zamiežnych spraŭ Polščy daŭ intervju The Guardian paśla viartańnia z sustrečy ŭ Bierlinie ź ministrami zamiežnych spraŭ Francyi i Hiermanii ŭ farmacie tak zvanaha Viejmarskaha trochkutnika — hrupoŭki, jakaja ciapier razhladajecca jak novy palityčny centr ES.
NATA parazić usie vajennyja abjekty Rasii va Ukrainie, kali Uładzimir Pucin vyrašycca na prymianieńnie jadziernaj zbroi, zajaviŭ kiraŭnik MZS Polščy Radasłaŭ Sikorski ŭ intervju. Pry hetym jon skieptyčna pastaviŭsia da mahčymaha jadziernaha ŭdaru z boku Rasii, adznačyŭšy, što rasijski bok ab nastupstvach papiaredzili ZŠA.
«Amierykancy skazali ruskim, što kali vy ŭžyviacie jadziernuju zbroju, navat kali nichto pry hetym nie zahinie, my parazim usie vašyja abjekty va Ukrainie zvyčajnaj zbrojaj, my źniščym ich usie», — paviedamiŭ dypłamat.
Na dumku Sikorskaha, pieraściarohi z boku ZŠA — nie pustyja słovy. Ministr taksama nahadaŭ, što ad užyvańnia jadziernaj zbroi Rasiju raniej pieraścierahli Kitaj i Indyja.
«Heta nie dziciačyja hulni. Tamu što kali tabu [na vykarystańnie jadziernaj zbroi] budzie parušana, jak i zabarona na siłavuju źmienu miež, Kitaj viedaje, što Japonija i Kareja źviernucca da jadziernaj zbroi», — skazaŭ jon.
Taksama ŭ intervju kiraŭnik MZS zajaviŭ, što Polšča padtrymlivaje prava Ukrainy nanosić udary pa vajennych celach unutry Rasii, śćviardžajučy, što Zachad pavinien spynić uvieś čas abmiažoŭvać siabie ŭ padtrymcy Ukrainy.
Radasłaŭ Sikorski taksama zaklikaŭ admovicca ad pryncypu adnahałośsia pry pryniaćci sankcyj i stvaryć miechanizavanuju bryhadu ES u składzie 5000 čałaviek.
Akramia hetaha, Sikorski zajaviŭ, što Polšča hatova padtrymać ahulnajeŭrapiejskuju schiemu pa stymulavańni ŭkrainskich uchilistaŭ viarnucca na radzimu:
«Ukraina pavinna skazać nam, što jana choča, kab my rabili ź jaje hramadzianami. U što ja absalutna nie vieru, dyk heta ŭ toje, što ŭ čałavieka jość prava na atrymańnie sacyjalnaha zabieśpiačeńnia za ŭchileńnie ad pryzyvu. Tyja ludzi, jakija zmahajucca na froncie, taksama majuć pravy čałavieka».
Jon skazaŭ, što lubaja schiema abmiežavańnia dapamoh pavinna być ahulnajeŭrapiejskaj, inakš tyja, chto paźbiahaje pryzyvu, pačnuć vybirać krainy z najbolš vyhadnymi dla siabie ŭmovami.
«Absalutna šakujučy vypadak». Kiraŭnik MZS Polščy prakamientavaŭ namier polskaha sudździ prasić palityčny prytułak u Biełarusi
«Krym, Lvoŭ, Vałyń — heta Ukraina». Sikorski prakamientavaŭ zakidy prapahandy, nibyta Polšča choča anieksavać ziemli Ukrainy
Ci ŭviadzie NATA va Ukrainu svaje vojski? Mierkavańni zachodnich ekśpiertaŭ
Kamientary