«Krym, Lvoŭ, Vałyń — heta Ukraina». Sikorski prakamientavaŭ zakidy prapahandy, nibyta Polšča choča anieksavać ziemli Ukrainy
Ministr zamiežnych spravaŭ Polščy Radasłaŭ Sikorski zajaviŭ, što rasijskija prapahandysty sprabujuć spravakavać kanflikt pamiž palakami i ŭkraincami, u tym liku, raspaŭsiudžvajučy infarmacyju pra nibyta płany Polščy anieksavać častku ŭkrainskich terytoryj, piša «Jeŭrapiejskaja praŭda».
Zachavańnie ŭsiebakovaj padtrymki Jeŭrapiejskim Sajuzam niezaležnaści Ukrainy, u tym liku jaje namahańni pa členstvie ŭ ES, budzie pryjarytetam jeŭrapiejskaj palityki ŭrada, zajaviŭ kiraŭnik Radasłaŭ Sikorski.
«Rasija chłusić pra nibyta płany Polščy anieksavać častku Ukrainy. Danbas — heta Ukraina; Krym — heta Ukraina. Lvoŭ, Vałyń, byłaja Uschodniaja Haličyna — heta taksama Ukraina. Tamu paŭtaraju, kab i ŭ Kramli pačuli: Lvoŭ — heta Ukraina», — skazaŭ kiraŭnik MZS, vykarystoŭvajučy ŭkrainskaje, a nie polskaje vymaŭleńnie nazvy Lvova.
Jon padkreśliŭ, što rasijskija lidary i prapahandysty chočuć uvieści palakaŭ u kanflikt z ukraincami.
Sikorski zaznačyŭ, što dla pavyšeńnia efiektyŭnaści svaich dziejańniaŭ Polšča dałučyłasia da dekłaracyi krain G7 ab uzajemnych doŭhaterminovych abaviazacielstvach pierad Ukrainaj. Jon padkreśliŭ, što jak susiedniaja kraina, vajskovy, humanitarny i enierhietyčny chab, jana choča razam farmavać hetyja abaviazacielstvy, a nie nazirać zboku, pakul heta robiać inšyja.
Biełaruskaja prapahanda i, u tym liku, Alaksandr Łukašenka taksama nieadnarazova kazali pra nibyta płany Polščy anieksavać terytoryi Ukrainy.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy35
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary