Na letnija vakacyi dzieciam palitviaźniaŭ sabrali bolš za 20 tysiač jeŭra. Zbor praciahvajecca
U ramkach dabračynnaha zboru dla dziaciej biełaruskich palitviaźniaŭ, jaki apošnija hady tradycyjna pravodzicca ŭ hety čas, užo sabrali bolš za 20 tysiač jeŭra. Zbor pravodzicca na płatformie fondu salidarnaści BySol.
Hrošy nakirujuć na dapamohu ŭ arhanizacyi letniaha adpačynku dzieciam ciapierašnich i byłych palitviaźniaŭ. Na kožnaje dzicia da 16 hadoŭ vypłaciać dapamohu ŭ pamiery 100 jeŭra.
Ciapier zbor praciahvajecca, zajaŭlenaja suma — 23 400 jeŭra.
Letaś na adpačynak dziaciej palitviaźniaŭ biełarusy sabrali 28 006 jeŭra. Dapamohu tady atrymali 270 dziaciej sa 149 siemjaŭ.
Tradycyjnaja dziciačaja akcyja sioleta ładzicca prajektam «Chutkaja humanitarnaja dapamoha», kudy ŭvachodziać Fondy Bysol, By_Help, «Strana dla žiźni», Dissidentby i Asacyjacyja biełaruskaha biznesu za miažoj (ABBA).
1 červienia ŭ varšaŭskaj prastory Kwadrat Praski adbudziecca dabračynny fiestyval Belarus Outside Sound System. Na im budzie prezientavana viniłavaja płytka z adnajmiennaj rejv-składankaj ad biełaruskich elektronnych pradziusaraŭ. Arhanizatary fiestyvalu — muzyčnaja supolnaść Belarus Outside Sound System — prapanujuć usim žadajučym pasłuchać samuju niezvyčajnuju biełaruskuju muzyku i ŭ padziaku pakinuć danat na letni adpačynak dzieciam palitviaźniaŭ. Asabliva ščodryja danatary atrymajuć unikalny vinił u padarunak.
Kožny z 14 artystaŭ na feście budzie prezientavać svaju prahramu ci novy składnik łajf-vystupu. Śvieta Bień vystupić supolna ź Siarhiejem Navickim u novym elektronnym prajekcie pad nazvaj WTBSK, a Anastasija Rydleŭskaja ŭpieršyniu vystupić «žyŭcom». Taksama na feście vystupiać Siarhiej Pukst sa svaim prajektam Hieorhij Dabro, Hanna Ždanava, Domsun, PocketRave i Syntrig. Dydžej-sety adyhrajuć Papa Bo Selektah, Schmoltz, Kornej, Eye-Q, Scarlett i Uhead.
Sabranyja danaty buduć pieranakiravanyja na zbor, arhanizavany ŭ miežach tradycyjnaj dziciačaj akcyi supolnym prajektam biełaruskich fondaŭ «Chutkaja humanitarnaja dapamoha».
Srodki, sabranyja padčas marafonu salidarnaści «Nam nie ŭsio adno», całkam raźmierkavanyja
Biełarusy za dva tydni naźbirali 15 tysiač jeŭra dla padtrymki šmatdzietnaj siamji Sierhija Mieljanca
Naš Vialikdzień prajšoŭ nie napusta. Dla Sierhija Mieljanca i jaho siami dziaciej naźbirana ŭžo bolš za 10 tysiač jeŭra
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary