U varšaŭskim rajonie Makotaŭ adbyłosia surjoznaje DTZ, spravakavanaje, jak śćviardžajecca, taksistam ź Biełarusi. Kiroŭca Uber nie sastupiŭ darohu aŭtamabilu marki BMW, paviedamlaje Most.
Adbyłosia sutyknieńnie, u vyniku jakoha BMW pierakuliłasia, vylecieła z darohi i ŭrezałasia ŭ hrupu piešachodaŭ. Ranieńni atrymali šeść čałaviek, uklučajučy kiroŭcu BMW.
Jak piša Gazeta Wyborcza, incydent adbyŭsia niezadoŭha da 15.00 u niadzielu, 9 červienia. Taksist Uber na aŭtamabili Toyota jechaŭ pa vulicy Pułaŭskaj, jon vioz pasažyra. Na adnym sa skryžavańniaŭ pry pavarocie naleva jon nie prapuściŭ BMW, jakaja, pa papiarednich źviestkach, jechała z chutkaściu, što pieravyšaje dapuščalnuju.
U vyniku mašyny sutyknulisia. Ad udaru BMW straciła kiravańnie, vylecieła z darohi, źniesła prydarožny słup i śmietnik i ŭrezałasia ŭ hrupu piešachodaŭ, jakija pierachodzili vulicu pa piešachodnym pierachodzie. Piaciarych piešachodaŭ špitalizavali, u tym liku dvaich — u ciažkim stanie.
Kiroŭca Toyota nie paciarpieŭ, jaho zatrymali i dapytali, adnak abvinavačvańni jamu nie pradjavili. Pavodle paviedamleńnia resursu Miejski Reporter, za rulom taksi byŭ hramadzianin Biełarusi. Vadzicielaŭ pravieryli na ałkahol — abodva akazalisia ćviarozymi. Abstaviny spravy vyśviatlaje palicyja Varšavy.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu99
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu9
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary