Łatuška padtrymaŭ ideju Polščy zakryć miažu ź Biełaruśsiu dla tavaraŭ, ale zaklikaŭ zachavać pierachody dla ludziej
Kiraŭnik NAU Pavieł Łatuška prakamientavaŭ zajavu ministra zamiežnych spravaŭ Polščy pra mahčymaje zakryćcio ŭsich punktaŭ propusku na miažy ź Biełaruśsiu. Jon kaža, što važna zachavać dla biełarusaŭ mahčymaść jeździć u ES.
Pavieł Łatuška padtrymaŭ ideju polskaha boku zakryć usie hruzavyja pierachody na biełaruska-polskaj miažy.
Jon ličyć, što heta moža paspryjać tamu, što Łukašenka «spynić suŭdzieł u ahresii Rasii suprać Ukrainy, spynić masavyja represii ŭ dačynieńni biełarusaŭ, vyzvalić palitviaźniaŭ, spynić hibrydnuju vajnu z vykarystańniem mihrantaŭ».
«Adnačasova my vystupajem za toje, kab praciahvali dziejničać pasažyrskija punkty propusku dla hramadzianaŭ Biełarusi dziela taho, kab zachavać mahčymaść kamunikacyi biełarusaŭ ź ES», — adznačyŭ Łatuška.
Učora ministr zamiežnych spravaŭ Polščy Radasłaŭ Sikorski dapuściŭ mahčymaść zakryćcia ŭsich pierachodaŭ na miažy ź Biełaruśsiu.«My zaraz vyvučajem, jakija nastupstvy heta budzie mieć dla našaj ekanomiki, kab mienavita Łukašenka adčuŭ nastupstvy, a nie my», — skazaŭ jon.
Asnoŭnaja pryčyna — situacyja ź inśpiravanym režymami Łukašenki i Pucina mihranckim kryzisam na miažy, jaki ciahniecca ŭžo z 2021 hoda, a apošnim časam znoŭ abvastryŭsia.
«Finy zakryli pamiežnyja pierachody z Rasijaj, i prablemy skončylisia», — dadaŭ ministr.
Ciapier na polska-biełaruskaj miažy dziejničajuć usiaho dva punkty propusku: «Kukuryki» («Kazłovičy») dla hruzavych pieravozak i «Tarespal» («Brest») — dla lehkavych aŭtamabilaŭ i aŭtobusaŭ.
Raniej, u kancy maja, premjer-ministr Polščy Donald Tusk, naadvarot, zajaŭlaŭ, što mahčymaje adkryćcio KPP «Babroŭniki» na miažy ź Biełaruśsiu, zakrytaha 10 lutaha 2023 hoda. Ale niepasredna paśla hetych słoŭ adbyŭsia novy vitok mihranckaha kryzisu, u chodzie jakoha navat zahinuŭ polski vajskoviec. Tamu hetyja płany adrazu stali nieaktualnymi.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos31
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1414
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes14
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary