Ivulin źbiraje biełarusaŭ Varšavy na prahlad finała Jeŭra — voś jak možna dałučycca
Hałoŭny matč sioletniaha Jeŭra pačniecca 14 lipienia a 22-j pa biełaruskim časie. Tyja, chto ŭ Varšavie, zmohuć pahladzieć jaho pad biełaruskamoŭny kamientar ad błohieraŭ Alaksandra Ivulina i Jarasłava Pisarenki – i heta jašče nie ŭsie cikavostki.
Pavodle słovaŭ Ivulina, futbolny fest ad jaho i Pisarenki — unikalnaja mahčymaść dla biełarusaŭ zamiežža pahladzieć finał Jeŭra z kamientarom na rodnaj movie:
«Akramia samoha futbołu, jaki my ź Jarykam budziem kamientavać pa-biełarusku, tam budzie sapraŭdnaje fiestyvalnaje śviata. Možna budzie zhulać u nastolny futboł, FIFA, pačylić, źjeści niejkuju šaŭrmu ci blincy. U nas budzie mahčymaść niefarmalna parazmaŭlać za futbolčyk sa mnoj, z Aleham Dułubam, Mikitam Miełkazioravym i Jarykam Pisarenkaj, jašče płanujem kviz pra sport ad našych siabroŭ».
Akramia hetaha, na feście budzie dabračynny aŭkcyjon — razyhrajuć rečy sa spartovaha śvietu, a hrošy, zaroblenyja praz aŭkcyjon, achviarujuć na dabračynnaść.
Chłopcy ŭžo nie ŭ pieršy raz ładziać tranślacyju z kamientarom pa-biełarusku — pačynali z 20-40 čałaviek, a ciapier arandavali dla padziei placoŭku na 200-250 hledačoŭ u Varšavie. Alaksandr kaža, što bačyć popyt na takija mierapryjemstvy. Što da taho, jaki matč u vyniku daviadziecca kamientavać, Ivulin robić taki prahnoz:
«U finale dakładna zhulaje pieramožca matču pamiž Ispanijaj i Hiermanijaj, bo heta dźvie samyja jarkija i stabilnyja kamandy hetaha Jeŭra. Mnie zdajecca, atrymaŭsia b vielmi pryhožy finał, kab tam zhulali adrazu dźvie hetyja kamandy. Taksama ŭsio dobra składvajecca ŭ zbornaj Anhlii, i jana moža trapić u finał».
Zarehistravacca na padzieju i nabyć kvitki možna tut.
«Naša Niva» — bastyjon biełaruščyny
PADTRYMAĆCiapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary