«Daskanałyja i spłanavanyja ašukanskija dziejańni». Łarysa Dolina raskazała, jak stała achviaraj machlaroŭ
Prakramloŭskaja śpiavačka Łarysa Dolina ŭ suviazi «ź vialikaj kolkaściu pytańniaŭ ad pradstaŭnikoŭ ŚMI», dała nievialiki kamientar nakont prodažu jaje kvatery machlarami.
«Ja stała achviaraj machlaroŭ. U dačynieńni da mianie ździejśnienyja vielmi daskanałyja i spłanavanyja ašukanskija dziejańni», — skazała jana.
Pavodle jaje słoŭ, pa hetym fakcie raspačataja kryminalnaja sprava, jana pryznanaja paciarpiełaj, a na jaje kvateru nakładzieny aryšt.
Dolina kaža, što papiarednim śledstvam ustanoŭlena, što ašukancy znachodziacca na terytoryi Ukrainy.
Jana dadaje, što jany vykłali ŭ sacsietkach ad jaje imia «zvarot žachlivaha charaktaru». Što tam, jana nie patłumačyła.
Miž tym u jaje instahramie źjaviłasia paviedamleńnie, dzie ad imia śpiavački havorycca, što jana pradała kvateru za 112 młn rasijskich rubloŭ i załažyła daču za 50 młn rubloŭ, kab zadanacić «Azovu» (ahułam atrymlivajecca bolš za 1,7 młn dalaraŭ). Śpiavačka nibyta pryznajecca, što była zaŭsiody suprać hetaj bratazabojčaj vajny i ciapier choča reabilitavacca pierad ukrainskim narodam, a reštu žyćcia pravieści ŭ Adesie. «Zmahajciesia, tolki tak my zmožam pieramahčy ruski fašyzm», — havorycca ŭ paviedamleńni. Taksama ŭ paście źmiaščajecca zaklik danacić na ŭkrainskuju armiju.
Siońnia stała viadoma, što machlary raźviali rasijskuju śpiavačku Łarysu Dolinu im miljon dalaraŭ, jakija jana im pieraviała.
Kamientary