Na minskich vulicach siońnia bačyli vialikuju pracesiju. Kamu jaje dazvolili?
Na Niamizie ranicaj bačyli vielizarnuju pracesiju, piša «Anłajnier». Akazałasia, što ŭzdoŭž praśpiekta Pieramožcaŭ prajšoŭ Usiebiełaruski chresny chod, a ludzi ŭ pracesii — pałomniki.
Sioleta biełaruskija pravasłaŭnyja adznačajuć 40-hodździe śviatkavańnia sabora Biełaruskich śviatych. Da jubilejnaj daty Biełaruskaja pravasłaŭnaja carkva prymierkavała chresny chod: jon startavaŭ 18 žniŭnia ŭ Žyrovičach i ŭ paniadziełak zaviaršyŭsia ŭ Minsku.
Za 9 dzion pałomniki pieraadoleli 250 kiłamietraŭ, spyniajučysia na načleh u Kareličach, Dzieraŭnoj, Iviancy, Rakavie, Ždanovičach i inšych nasielenych punktach.
Samy praciahły pierachod prypaŭ na 21 žniŭnia. Tady pałomniki prajšli za dzień 40 kiłamietraŭ ad pasiołka Haradzišča da rajcentra Kareličy.
Jak raskazali «Anłajnieru» ŭdzielniki chresnaha chodu, jany načavali ŭ namiotach i škołach, hatavali jeści pieravažna pry prychodach. Padjom niaredka byŭ rańnim, i ŭ peŭnyja dni vierniki a 6-j ranicy ŭžo vypraŭlalisia ŭ darohu. Na praciahu ŭsiaho šlachu ich supravadžali miedyki.
Zialenski padpisaŭ zakon ab zabaronie UPC Maskoŭskaha patryjarchatu
U Stoŭbcach raskapali padmurki kaścioła, źniščanaha savietami. Płanujuć adnavić
Fakultatyŭ ab duchoŭna-maralnaj kultury ŭvodziać u škołach Biełarusi. Jon raspracavany sumiesna z Pravasłaŭnaj carkvoj
U RPC raskazali, ci prymalna dla śviatara aśviačać jadziernuju zbroju
Kamientary