Na dumku Kačynskaha, asabistaje ŭmiašańnie prezidenta Biełarusi stała b dokazam, što jon «choča zachavać dobryja adnosiny pamiž dźviuma krainami».
Prezident Polščy Lech Kačynski nakiravaŭ list Alaksandru Łukašenku, u jakim vykazaŭ «svaju zakłapočanaść i rašučy pratest u suviazi z rostam represij suprać Sajuza palakaŭ na Biełarusi».
Pra heta kiraŭnik Administracyi prezidenta Polščy Uładzisłaŭ Stasiak paviedamiŭ polskamu infarmahienctvu PAP.
«Prezident ukazaŭ na nieabchodnaść pavahi pravoŭ čałavieka, jakija źjaŭlajucca asnovaj sučasnaha jeŭrapiejskaha hramadstva», — zajaviŭ Stasiak.
Na dumku Kačynskaha,
asabistaje ŭmiašańnie prezidenta Biełarusi stała b dokazam, što jon «choča zachavać dobryja adnosiny pamiž dźviuma krainami».
U svaim liście polski prezident nahadaŭ pra mižnarodnyja abaviazacielstvy Biełarusi i dvuchbakovy dahavor ab dobrasusiedstvie, družbie i supracoŭnictvie. 16 lutaha śpikier polskaha Siejma Branisłaŭ Kamaroŭski zajaviŭ žurnalistam, što «va ŭmovach parušeńnia pravoŭ čałavieka i hramadzian Biełarusi ŭ Polščy jość padstavy surjozna razhledzieć mahčymaść viartańnia da palityki sankcyj».
Jak raniej paviedamlałasia, 15 lutaha ŭ roznych haradach Biełarusi byli zatrymanyja aktyvisty i kiraŭnictva nieaficyjnaha Sajuza palakaŭ na Biełarusi (SPB) na čale z Anžalikaj Borys. Borys aštrafavanaja na 30 bazavych vieličyń (1 młn. 50 tys. rubloŭ), pradstaŭniki kiraŭnictva Andžej Pačobut, Ihar Bancar i Miečysłaŭ Jaskievič asudžanyja na piać sutak aryštu za arhanizacyju 10 lutaha ŭ Hrodnie niesankcyjanavanaha mitynhu ŭ padtrymku ivianieckaj arhanizacyi SPB.
Lider ivianieckaj arhanizacyi Teresa Sobal abvinavačvajecca ŭ zachopie miascovaha Doma polskaha, najbližejšym časam nad joj adbudziecca sud. Isk padaŭ staršynia aficyjna zarehistravanaha SPB Stanisłaŭ Siamaška.
Raskoł u SPB adbyŭsia ŭ 2005 hodzie. Častka arhanizacyi aficyjna zarehistravanaja Ministerstvam justycyi Biełarusi. Nieaficyjnaje kryło SPB na čale z Anžalikaj Borys padtrymlivajuć polskija ŭłady.
Kamientary