Žycharka Hrodna paznajomiłasia ŭ Internecie z «vajskoŭcam z ZŠA» — i addała jamu 90 tysiač rubloŭ
Nieviadomy raspaviadaŭ, što słužyć u Jemienie i vielmi choča viarnucca dadomu da dački.
Žycharcy Hrodna ŭ Skype napisaŭ mužčyna — jon pradstaviŭsia vajskoŭcam z ZŠA, jaki znachodzicca ŭ Jemienie. Biełaruska vyrašyła pahutaryć ź nieznajomcam.
Surazmoŭca raspavioŭ 33-hadovaj žančynie, što sam u razvodzie, u jaho jość dačka, dzialiŭsia inšymi padrabiaznaściami asabistaha žyćcia. Znosiny doŭžylisia čatyry miesiacy, mužčyna akazvaŭ biełaruscy roznyja znaki ŭvahi.
Kali ich adnosiny stali davierlivymi, jon paprasiŭ napisać zajavu, što jana źjaŭlajecca jaho niaviestaj. Nibyta hety krok dazvoliŭ by skasavać kantrakt i viarnucca da dački. Žančyna pahadziłasia.
Nieŭzabavie jana atrymała na poštu tryvožnaje paviedamleńnie: u liście havaryłasia, što jaje surazmoŭcu zatrymali, i nieabchodna sabrać hrošy na zakład. Potym «amierykaniec» nibyta trapiŭ u balnicu — na lačeńnie taksama patrebnyja byli hrošy. U vyniku, žančyna ŭ niekalki etapaŭ pieraviała na kryptakašalok 90 tysiač rubloŭ.
Dla pierakanaŭčaści lehiendy «vajenny z ZŠA» pieradaŭ biełaruscy łahin i parol ad asabistaha kabinieta ŭ internet-bankinhu, jaki, zrazumieła, byŭ zabłakavany, usia pierapiska viałasia na anhlijskaj movie, mužčyna abiacaŭ viarnuć hrošy.
Ale cudu nie adbyłosia, žančyna zrazumieła, što novy znajomy akazaŭsia ašukancam, pra što paviedamiła ŭ milicyju.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary