Hienieralny sakratar NATA Mark Rute zajaviŭ, što Ukraina ŭ budučyni dałučycca da Aljansu ŭ jakaści 33-ha abo 34-ha siabra. Ciapier u NATA 32 krainy.
Takuju zajavu Rute zrabiŭ u čaćvier na sustreču ministraŭ abarony krain NATA ŭ Bruseli, piša «Jeŭrapiejskaja praŭda».
Rute vystupiŭ na nastupny dzień paśla taho, jak prezident Uładzimir Zialenski pradstaviŭ svoj «płan pieramohi», adnym z punktaŭ jakoha źjaŭlajecca atrymańnie zaprašeńnia ŭ NATA. Rute ŭstrymaŭsia ad taho, kab skazać, ci stali sajuźniki bolš schilnyja da takoha zaprašeńnia Ukrainie.
«Na dadzieny momant vyhladaje, što Ukraina budzie 33-m čalcom. Ale, mahčyma, da ich źjavicca niechta inšy. Ale Ukraina ŭ budučyni budzie čalcom NATA. Tak my vyrašyli ŭ Vašynhtonie. Tamu pytańnie ciapier staić pra chranałohiju», — zajaviŭ hienieralny sakratar NATA.
Ciapier, pavodle jaho słoŭ, sajuźniki skancentravany na tym, kab pabudavać «most da siabroŭstva Ukrainy».
«Takim čynam, kali jość kankretnaje pytańnie «Kali?», ja nie mahu adkazać na jaho ciapier, u hety momant. Ale my pracujem nad usimi hetymi napramkami, kab jany adnojčy sapraŭdy stali členami NATA», — dadaŭ Rute.
Jak paviedamlałasia, «płan pieramohi» Zialenskaha składajecca ź piaci punktaŭ i faktyčna źjaŭlajecca «płanam prymusu Rasii da miru».
U pryvatnaści, pieršym punktam płana źjaŭlajecca zaprašeńnie Ukrainy ŭ NATA ŭžo ciapier.
-
Prapanujuć biaspłatna pažyć na vyśpie la bierahoŭ Uelsa — tym, chto hatovy ličyć tupikaŭ i inšych žyvioł
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary