Uražańni ad kancertu 25 žniŭnia sapsavała zabarona ŭzdymać bieł-čyrvona-biełyja ściahi.
Chaču raspavieści pra svaje ŭražańni ad kancertu "Za Svabodu" 25 žniŭnia. "Śviata jak śviata: cyharety, piva..." Kolki ni prasili arhanizatary ab nieŭžyvańni alkaholu — usio roŭna sustrakalisia kupki maładzionaŭ ź pivam u rukach. Prasili, kab nie ŭzdymali Ściahoŭ, ale my vyrašyli pad kaniec kancertu na vystupie N.R.M. padniać... i padniali. Da nas adrazu padlacieli "družyńniki" z "Moładzi BNF" i paprasili ich prybrać, matyvujučy tym, što arhanizatary buduć za toje pakaranyja, jak na Čarnobylskim Šlachu 2006. Ale pahadžalisia z tym, što heta Naš Ściah, i sychodzili. Praz chvilinaŭ piać da nas iznoŭ padbiehli niekalki čałaviek i pasprabavali adabrać Štandary i havaryli pa-rasiejsku, na što atrymali adkaz: "Jedźcie ŭ Maskvu! Vy dzie žyviacie? Chavajciesia ŭ bulbu!" Potym cełaj kałodaj nalacieli na adnaho z salihorskich chłopcaŭ i pačali z užyvańniem fizyčnaj siły adbirać Ściah, ale praličylisia i atrymali ŭ adkaz... Padčas sutyčki niechta z "družyńnikaŭ" paśpieŭ ciškom zabrać i schavać Pałotnišča, ale chłopcu Jaho potym viarnuli. Znajšlisia taksama ludzi, jakija padtrymali nas. Urešcie, nastroj byŭ sapsavany. Chaciełasia b vykazacca adnosna "arhanizataraŭ" i "družyny". Kali vy chočacie arhanizavać sapraŭdnaje Śviata Niezaležnaści, to nia treba dryžać za svaju piatuju kropku ci nie biaryciesia ŭvohule. Bo z takim pośpiecham ja ŭkluču doma dysk "Pieśni Svabody" i budu machać Ściaham. Soramna, kali nie PMSN, a "svaje ludzi" adbirajuć naš Ściah! Dla čałavieka, jaki prajšoŭ Płošču, razhony, pahrozy i dopyty — heta pa mienšaj miery abraza!!! Za100iemsia!
Hleb, Salihorsk
Ad Redakcyi: Voś jak tłumačać sytuacyju arhanizatary kancertu na sajcie za-svabodu.org Admoŭny momant kancertu — "ściahovy šantaž" z boku milicyi. Źviazany jon byŭ nia hetulki z mahčymymi zatrymańniami, jak paviedamili ŚMI, a z tym, što milicyjanty "ŭziali ŭ zakładniki" elektryčnaść. Siarod arhanizataraŭ nie było adnaznačnaha mierkavańnia: ci iści na pryncypovuju kanfrantacyju i spyniać kancert, ci praciahvać jaho. Adnak paśla kansultacyjaŭ z muzykami, jakija niačasta majuć mahčymaść vystupić pierad publikaj, było pryniataje rašeńnie — "ściahi na plečy", h.zn. nie vykarystoŭvać tronkaŭ, a nakidvać nacyjanalnuju symboliku na siabie albo trymać u rukach.
Škada, ale heta vidavočna nie prablema kancertu, a prablema ŭsioj našaj krainy. I dla ŭsich nas heta musić stać dadatkovym stymułam dla baraćby suprać antysvabodnaj i procibiełaruskaj ułady ŭ Biełarusi.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary