Minčanka addała machlaram 20 tysiač rubloŭ, adnak potym dapamahła zatrymać kurjera
U listapadzie 23-hadovaja žycharka stalicy atrymała telefanavańnie ad «pradstaŭnika Minskvodakanała». Łžeśpiecyjalist patłumačyŭ, što dziaŭčynie ŭ najbližejšy čas treba zamianić ličylniki vady.
Dla afarmleńnia zajaŭki patrabavalisia asabistyja źviestki, jakija dziaŭčyna biez sumnievaŭ pieradała, piša BiełTA.
Razmova niečakana była pierarvana z-za ŭvachodnaha telefonnaha zvanka. Ź joj pačaŭ havaryć nibyta śledčy. Jon paviedamiŭ dziaŭčynie, što jana raskryła svaje pašpartnyja danyja nie dziaržaŭnamu słužačamu, a ašukancu. Situacyja standartnaja, i, pa płanie złamyśnikaŭ, na jaje imia buduć aformleny kredyty i pazyki.
U hety ž momant u razmovu ŭklučyŭsia nibyta mieniedžar Nacyjanalnaha banka. Jon paviedamiŭ, što praces razhladu zajavak zapuščany. Kali minčanka nie choča płacić pa rachunkach afierystaŭ, jana pavinna ŭklučycca ŭ pracu pa ich zatrymańni.
Virtualnaje adabreńnie kredytaŭ možna było spynić tolki adnym sposabam — aformić realnyja pazyki. Kuratary nakiravali dziaŭčynu ŭ bližejšaje adździaleńnie banka i paviedamili, što kantralujuć kožny jaje krok praź videanazirańnie ź filijała. Realnyja ahienty finansavaj ustanovy ŭchvalili klijentcy kredyt na sumu kala 20 tys. rubloŭ.
Dziaŭčyna paśpiachova abnajaviła hrošy i pa ŭkazańni «asabistaha mieniedžara» pieradała ich davieranaj asobie, čakajučy dalejšych ukazańniaŭ. Psieŭdasupracoŭnik pierakanaŭ dziaŭčynu, što praź niekalki dzion jany praciahnuć pieraškadžać złačynnym dziejańniam kibierfirmy. Ad pačutaha minčanka była ździŭlena.
Praanalizavaŭšy situacyju, dziaŭčyna zrazumieła, što pradstaŭniki pravaachoŭnych orhanaŭ i bankaŭskich arhanizacyj tak siabie nie pavodziać. Nie marnujučy času, abmanutaja dziaŭčyna źviarnułasia pa dapamohu da supracoŭnikaŭ milicyi.
Uličvajučy, što paciarpiełaja praciahvała padtrymlivać suviaź z ašukancami, tyja nie ŭpuskali mahčymaści atrymać ad jaje jak maha bolš hrošaj. Dziaŭčyna nibyta znoŭ aformiła kredyt i pajechała na sustreču z kurjeram.
Tolki na hety raz u pryznačanym miescy pasylnaha čakała milicyja.
Na ašukancaŭ pracavaŭ 39-hadovy mužčyna, jaki znajšoŭ abjavu pra padpracoŭku ŭ miesiendžary, jamu abiacali vysokuju zarpłatu i biaśpieku ŭ jaho dziejnaści.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami42
Kamientary