Na poŭdni Biełarusi źjaviłasia novaja zona abmiežavańnia palotaŭ
Da 20 śniežnia tam zabaronienyja lubyja paloty na vyšyni da 20 kiłamietraŭ, piša «Biełaruski Hajun».
Na poŭdni Biełarusi źjaviłasia novaja zona abmiežavańnia palotaŭ nad bałotam «Almanskaje». Zona ŭviedzienaja ŭ pieryjad z 8 pa 20 śniežnia 2024 hoda i zabaraniaje paloty ŭsich vidaŭ pavietranych sudnaŭ na vyšyniach ad ziamli da 20 km.
Faktyčna zona abmiežavańnia palotaŭ zachoplivaje ŭsiu terytoryju łandšaftnaha zakaźnika «Almanskija bałoty» razam z nacyjanalnym parkam «Prypiacki» i zakranaje Stolinski (razam sa Stolinam), Lelčycki i Žytkavicki rajony na poŭdni krainy. Raniej hetaja terytoryja była taksama viadomaja jak były 41-y avijacyjny palihon (Mierlinski), na jakim z pačatku 1960-ch hadoŭ vyrablałasia adpracoŭka bambakidańnia. Palihon byŭ zakryty ŭ 2005 hodzie.
Paznačanaja terytoryja novaj zony abmiežavańnia i tak traplała ŭ absalutnuju zonu zabarony, jakaja dziejničaje ŭžo bolš za dva hady i pastajanna praciahvajecca. Takim čynam, palotaŭ u paznačanaj zonie i tak nie mahło być biez uzhadnieńnia z vajskoŭcami.
Akramia taho, Lelčycki rajvykankam paviedamiŭ, što z zaŭtrašniaha dnia, 10 śniežnia, na terytoryi rajona buduć pravodzicca płanavyja vučeńni, i paprasiŭ zachoŭvać spakoj.
Napiaredadni ŭ Pinsku, jaki prymykaje da novaj zony abmiežavańnia, była zaŭvažanaja kałona techniki biełaruskaj armii, jakaja, pavodle papiarednich źviestak, naležyć 38-j bryhadzie SSA.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni6
Kamientary