Minabarony: Biełaruś nie płanuje stvarać nastupalnych hrupovak vojskaŭ
Načalnik Departamienta mižnarodnaha vajennaha supracoŭnictva Minabarony Valeryj Ravienka abvinavaciŭ Polšču ŭ padrychtoŭcy da vajny, ale adznačyŭ, što Biełaruś imkniecca da miru.
Hienierał-major parazvažaŭ pra situacyju vakoł Biełarusi, a taksama pra raźvićcio biełaruskaj armii.
Pavodle słoŭ Ravienki, Minabarony madernizuje armiju, adnak kolkaść uzbrojenych sił nie pavialičvaje, paviedamlaje STB.
«Pastupova my madernizujem svaju zbroju i vajennuju techniku. Pry hetym, źviarnicie ŭvahu, my nie pavialičvajem kolkaść asabistaha składu. Heta značyć, my demanstrujem svaim susiedziam, što zachoŭvajemsia ŭ štatach mirnaha času. Heta aznačaje, što my nie niasiem pahrozy, nie płanujem stvarać nastupalnyja hrupoŭki vojskaŭ i płanujem žyć z vami ŭ miry, družbie i zhodzie», — adznačyŭ Ravienka.
Jon znoŭ abvinavaciŭ Polšču ŭ niehatyŭnych namierach, jakaja, na fonie vajny Rasii suprać Ukrainy i dyviersijnaj dziejnaści rasijskich śpiecsłužbaŭ, zajaviła pra namier pavialičyć kolkaść vojskaŭ.
«Pamiatajecie, što jany ŭ chutkim časie chočuć dasiahnuć kolkaści ŭ 300 tysiač — praktyčna ŭ dva razy bolš, čym u ich było 5 hadoŭ tamu. Jany adkryta pra heta kažuć. I cikavaja ich zajava, što jany rychtujucca da vajny. I pytańnie: da vajny z kim?» — skazaŭ Ravienka.
Hienierał taksama paviedamiŭ, što viadzie dyjałoh i abmieńvajecca infarmacyjaj z šaściu pradstaŭnikami krain NATA ŭ Biełarusi. Naprykład, niadaŭna zachodnim dypłamatam raspaviali pra biełaruskuju vybarčuju sistemu.
-
DAI prapanuje zamianić nievialikija maršrutki aŭtobusami bolšaj umiaščalnaści
-
«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ
-
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary