Hienieralny sakratar NATA zaklikaŭ rychtavacca da vajny z Rasijaj praz 5 hadoŭ
Hienieralny sakratar NATA Mark Rute zaklikaŭ členaŭ aljansu rychtavacca da mahčymaj vajny z Rasijaj u siarednieterminovaj pierśpiektyvie. Vystupajučy ŭ Bruseli, jon padkreśliŭ, što biahučyja namahańni pa ŭmacavańni abarony niedastatkovyja, piša Deutsche Welle.
«My nie hatovyja da taho, što moža čakać nas praz čatyry-piać hadoŭ. Toje, što ciapier adbyvajecca va Ukrainie, moža adbycca i z nami», — zajaviŭ Rute.
Choć, pa słovach hiensaka NATA, niepasrednaj vajennaj pahrozy z boku Rasii na hety momant niama, jon ličyć, što Maskva rychtujecca da doŭhaterminovaj kanfrantacyi z Ukrainaj i zachodnimi krainami.
Mark Rute padkreśliŭ nieabchodnaść pierachodu da «myśleńnia vajennaha času» i prapanavaŭ pavialičyć vajskovyja vydatki, nazvaŭšy heta adzinym sposabam paźbiehnuć bujnoj vajny na terytoryi krain aljansu:
«Kali my nie budziem vydatkoŭvać bolš ciapier, kab praduchilić vajnu, to paźniej zapłacim značna bolš — nie miljardy, a tryljony jeŭra. I heta kali my naohuł pieramožam».
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary