Łatuška — kamandzie Babaryki: Bolšaść vystupaje za toje, kab praciahvać cisk
«Jość apazicyja da apazicyi, jakaja vykazvaje svoj punkt hledžańnia. Ale moj śpis atrymaŭ 35% hałasoŭ na vybarach u Kaardynacyjnuju radu. My stvaryli kaalicyju bolšaści».
U apošni čas siarod demakratyčnaj apazicyi aktyvizavałasia dyskusija ab nieabchodnaści źmieny stratehii. Za heta vystupaje kamanda Viktara Babaryki. U pryvatnaści, Taćciana Chomič, siastra palitźniavolenaj Maryi Kaleśnikavaj, prapanavała Jeŭropie asłablać sankcyi suprać Biełarusi, kali heta dapamoža vyzvalać palitviaźniaŭ.
Jak adznačyŭ Pavieł Łatuška ŭ efiry prahramy «Obyčnoje utro», babarykancy vielmi aktyŭna, publična i padčas usich stratehičnych dyjałohaŭ i kansultatyŭnych hrup prapanoŭvajuć spynić cisk na Łukašenku, pačać ź im dyjałoh.
Pa mierkavańni Łatuški, kamanda Babaryki zaklikaje «sieści i damovicca z Łukašenkam, kab viarnucca ŭ 2019 hod» i takim čynam prapanujuć źmianić stratehiju. Ale sam Łatuška kateharyčna niazhodny z takoj prapanovaj.
«Chopić iluzij. Treba zrazumieć, što Łukašenka nikoli nie źmienić unutranuju palityku Biełarusi. (…) Jon nie vyzvalić usich palitviaźniaŭ. Davajcie nie budziem hetaj iluzii mieć. (…) Jon nie źmienić źniešniuju palityku, bo jon padzialiŭsia ŭładaj u 2020-m hodzie z Pucinym», —
adznačyŭ palityk i padkreśliŭ, što nie zhodny z pazicyjaj kamandy Babaryki. Łatuška pierakonvaje, što jaho pazicyja — heta pazicyja bolšaści.
«My ahitavali iści na vybary ŭ Kaardynacyjnuju radu. (…) U nas adbylisia vybary ŭ pradstaŭničy orhan demakratyčnych sił Biełarusi. Tam, naprykład, moj śpis atrymaŭ 35% hałasoŭ.
My stvaryli kaalicyju bolšaści. My demakratyčna pradstaŭlajem bolšaść. I bolšaść vystupaje za toje, kab praciahvać cisk i pryciahnuć Łukašenku da adkaznaści.
Hetuju pazicyju padtrymlivaje Śviatłana Cichanoŭskaja. I hetuju pazicyju poŭnaściu padtrymlivaje Abjadnany pierachodny kabiniet. Jość apazicyja da apazicyi, jakaja vykazvaje svoj punkt hledžańnia. Ale ŭ nas jość pazicyja bolšaści».
Łatuška adznačyŭ, što žorstkaj pazicyi adnosna Łukašenki prytrymlivajecca i ES.
«Na siońnia Jeŭrasajuz nie budzie mianiać nijakuju stratehiju. Bo Łukašenka nie tolki nie źmianiaje ŭnutranuju i źniešniuju palityku, jon paharšaje jaje. Kali jon navat vyzvalaje niekalki asob, to adnačasova [sadzić]. (…) Kožny dzień represii nie spyniajucca. Źmianiaje [režym] palityku — tady i Jeŭrasajuz budzie ruchacca».
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
u bolšinstva tiech, kto sidit, ta žie nieprimirimaja pozicija. my tam tolko sožaleli, čto davlenije NIEDOSTATOČNO žiestkoje..
nado takoje, čtoby až skuły śvieło u haulajtiera i tiech, kto s nim...