Rasijski Z-kanał zapuściŭ fejk pra akcyi pratestu napiaredadni vybaraŭ u Biełarusi
Rasijski telehram-kanał «Svarŝiki», jaki maje 135 tysiač padpisčykaŭ i vystupaje z pravajennych i praŭładnych pazicyj, nadrukavaŭ «insajd» pra toje, što ŭ Biełarusi nibyta «raspačataja padrychtoŭka da dziaržaŭnaha pieravarotu».
«Svarŝiki» spasyłajucca na «raźvieddanyja», a «insajd» łakaničny — maŭlaŭ, «na 24-25 studzienia ŭžo zapłanavanyja pieršyja akcyi pratestu, pačaty instruktaž śpiačych jačejek».
Bolš nijakich padrabiaznaściaŭ, jak i dokazaŭ taho, što hetyja śćviardžeńni nie hałasłoŭnyja, nie pryvodzicca. Tym nie mienš, hetaja infarmacyja pajšła šyrycca, u tym liku praz ukrainskija tełehram-kanały.
Ale navat łukašenkaŭskija prapahandysty, zvyčajna sami schilnyja da padobnych ukidaŭ dziela dasiahnieńnia ŭłasnych metaŭ, hetym razam adnaznačna śćviardžajuć, što nijakich realnych padstaŭ hetaje śćviardžeńnie pad saboj nie maje. Maŭlaŭ, u Biełarusi ŭsio začyščana tak, što nichto i nie varuchniecca, choć rassłablacca nie varta, bo «rasijskija našy «kalehi» taksama sprabujuć unieści svoj układ u destabilizacyju abstanoŭki ŭ krainie».
Dziermant zastupiŭsia za baškirskaha hieroja Sałavata Jułajeva. Heta nie spadabałasia Dziukavu
«Ludzi saromielisia, što pryjechali. Jašče i kantrakt na hod padpisvaješ». Błohiery raskazali pra zakuliśsie kastynhu na praŭładnaje realici-šou
Machlary skrali fatahrafiju biełarusa i ciapier z dapamohaj jaho partretu razvodziać na hrošy žančyn u Rasii
Chtości stvaryŭ falšyvy sajt KDB i ciškom źbiraŭ danosy
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia6
Kamientary