Śpioka ŭ Jeŭropie zabiare miljony žyćciaŭ. Jakija harady samyja niebiaśpiečnyja
Źmiena klimatu moža pryvieści da pavieličeńnia kolkaści śmiarotnych vypadkaŭ ad śpioki ŭ Jeŭropie na 2,3 miljona čałaviek da 2099 hoda, padličyli navukoŭcy.
Źmiena klimatu, chutčej za ŭsio, pryviadzie da rezkaha pavieličeńnia śmiarotnaści ad ekstremalnaj śpioki, zvodziačy na ništo čakanaje niekatorymi navukoŭcami źnižeńnie śmiarotnaści ad choładu, paviedamlaje Jeŭrańjus.
Takija vysnovy zrabili ŭdzielniki daśledavańnia z Łabaratoryi madelavańnia navakolnaha asiarodździa i zdaroŭja (EHM) Łondanskaj škoły hihijeny i trapičnaj miedycyny (LSHTM), apublikavanaha ŭ časopisie Nature Medicine.
«Daśledavańnie daje pierakanaŭčyja dokazy taho, što rezki rost kolkaści śmiarotnych vypadkaŭ, źviazanych sa śpiokaj, značna pieravysić luboje źnižeńnie śmiarotnaści, źviazanaj z choładam, što pryviadzie da čystaha rostu śmiarotnaści pa ŭsioj Jeŭropie», — adznačaje prafiesar Antonia Hasparyni, staršy aŭtar artykuła i kiraŭnik łabaratoryi EHM u LSHTM.
Pavodle acenak jaho kamandy, źmiena klimatu moža vyklikać bolš za 2,3 miljona dadatkovych śmiarotnych vypadkaŭ, źviazanych z vysokimi tempieraturami, u 854 jeŭrapiejskich haradach da 2099 hoda. Adnak, pa mierkavańni daśledčykaŭ, 70% hetych trahiedyj možna paźbiehnuć, kali pryniać svoječasovyja miery dla palapšeńnia ekałahičnaj situacyi.
Pavodle prahnozaŭ, da kanca stahodździa najbolšaja kolkaść śmiarotnych vypadkaŭ, źviazanych z tempieraturaj, budzie zarehistravanaja ŭ Barsiełonie — 246 082. Za joj iduć Rym (147 738 śmierciaŭ) i Nieapal (147 248).
Čaćviortym u śpisie źjaŭlajecca ispanski horad Madryd (129 716), a piaty radok zajmaje Miłan (110 131). Dalej iduć Afiny (87 523 śmierci), Valensija (67 519), Marsel (51 306), Bucharest (47 468) i Hienuja (36 338).
Daśledčyki adznačajuć, što pik śmiarotnaści prahnazujecca ŭ samych ščylna nasielenych mižziemnamorskich haradach. Ale paciarpieć mohuć i nievialikija harady na Malcie, u Ispanii i Italii.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary